Pray for Myanmar hmanthlak langhternak puai an tuah

Pray for Myanmar hmanthlak langhternak puai an tuah

 

Dohthlennak caaah taangka hman ding tiin Japan miphun minthang hmantlak thiam Tahirosanda i hmantlak langhternak puai ah August 26 ni ah an thok i Tokyo khia Portrait Gallery ah an tuah.

 

Hmanthlak hna cu 2016 le 2019 kar Myanmar ram chung i tlangcung mi hna an nunphung an thilthuam an um thut ning hna an si.

 

Tulio Japan thawngzamhnak ah rallokap nih an tuk an velh an hrem nak Myanmar ram mipi nunning a hmu mi Japhan mipi hna cu 2016 le 2018 kum kar ah Myanmar ram chung tlangcung mi hna le Myanmar ram chung mi pi hna a daih ning le an i nuamh ning cu hmuhter kan duh caah a tu bantukin langterhnak puai cu kan tuah nak hi a si tiah langterh ak puai tlangtla tu Mah Sandamay nih a chim.

 

Tokyo ah a ummi Mah Phyo Phyo nih cun “atu bantuk hmantlak hi an hmuh ahcun me kan pek mi Daw Aung San Suh Kyi uknak tang kan um lio ah tlangcung mi le Myanmar ram mi zei tluk in kan i nuamh kan thinlung a dam tuk zalong tein kan um kan kal bantukin vawlei cung khualtlawng hna zong tam pi an rak ra.

 

Mah hmantlak hna a kan chiah pik caah hmantlak thiam saya cung zong ah kan i lawm.Hmantlak chung bantukin a hlan Myanmar ram bantukin kan ram hi a ran nak in dai seh law Daw Aung San Suh Kyi tel in tlaih mi pohpoh rau lo in an luat khawh nak lai thla kan cam piak hna “tiah a chim.

 

Japhan ah a har ngai mi hmanthla tu saya a si caah Japan mipi tampi zong nih an rak zoh i Japan um Mynmar mi phun tam pi zong nih an rak zoh ve.

 

Pray for Myanmar hmantlak langhternak puai cu Tokyo khia Yusuhyah Buta pawng Portrait Gallery ah zarhkhat chung tuah ding a si i langternak puai ah kan hmuh mi a miak zapi cu dohthlennak hmun ah kan hlut lai tiah hmantlak thiam saya nih a chim.

==

 

JeM Nih India Doh A Timh

 

Taliban nih Afghanistan an lak hnuah thonginn in an thlah mi Jaish-e-Mohammed (JeM) chungtel 100 leng cu India, Jammu & Kashmir ah an i fonh than i, India tuk an timh tiah India security agencies nih thawng an theih.

 

Security Agencies rianngeitu pakhat nih thawng an theih ningah Taliban nih Afghanistan a tei hnuah Jammu & Kashmir tuk dingah timhtuahnak ngei dingin a hnu zulh tu hna biacahnak ah a chim.

 

JeM le Taliban hruaitu lutlai hna meeting ah JeM nih India ram ah an i timhtuahmi a tlamtling khawhnak dingah Taliban nih bawmh dingin biakamnak an ngei.Afghanistan i thil a cang mi nih ralhrang hna cawlcanghnak tampi a bawmh te khawh mi a si tiah an ti.

 

India ralkap nih Jammu & Kashmir ah hrambunh mi JeM chungtel hna cu hlan piin a rak doh cang mi a si i, an hruaitu Pakistan mi Mohmmed Ismail le Abul Rashid Ghazi hna cu kan hnu July 31 ah khan Pulwama, Tral area Hangalmarg ramtang ah India ralkap nih an kah/thah.

 

Mah hna pahnih hi 2019 February 14 Pulwana bomb puahnak kongah India nih tlaih a duh ngai mi (wanted) an si tiah Indian National Investigation Agency nih a chim.

 

Ismail le Ghazi hna pahnih hi ralhrang cawlcanghnak caah Kashmir valley i JeM umhmun ah mino hna tampi a cawnpiak tu an si i, India ralkap nih an thah ruangah an dirhmun cu chiat lei ah a panh nain, Afghanistan ramchung thil si ning nih an dirhmun a sersiam than khawh mi a si tiah India security agencies rianngeitu pakhat nih a chim.

 

JeM hi Al-Qaeda le Taliban hna he tangka, hriamnam le ralhrang cawlcanghnak i bawmhnak vialte cu UNSC nih 2001 kum October 17 ah a rak kharphih piak cang mi a si i, Masood Azhar zong UN nih terrorist ah a thanh mi a si.

 

 

Ref; The Hindu

 

The Chin Post

Be the first to comment

Leave a Reply

Your email address will not be published.


*