Pu Chan Cinlian Nih Ting 1280 A Hlut

Tulio Kalaymyo khua le a pawngkam khuasa mipi hna nih Oxygen ruang i thih lohnak an ton lengmangmi cu Kalay peng Letpanchaung khua ah ummi Pu Chan Cin Liana (Vavala) te chungkhar nih an zoh kho ve ti hna lo, Pathian tu nih thluachuah pe chin lengmang ko hna seh!

Suimilam pakhat ah Oxygen Litre 400 chuah kho tu $80000 (Ks 128,000,000) man Oxygen Seh pi cu Letpanchaung khua ah ummi Pu Chan Cin Lian te chungkhar nih an hlut hna, phaisa zong an pek dih cang caah sehpi zong cu tu thla chungah hin a rak phan lai.

Hi oxygen seh pi nih hin suimilam pakhat chung lawng hmanh ah litre 400 bak a chuah khawh lai caah oxygen lei ah harnak tong tu Kalaymyo le a pawngkam khuasami hna caah siseh, Laitlang lei ca tiangah bawmhnak tampi a pek khawh hna lai.

Be the first to comment

Leave a Reply

Your email address will not be published.


*