R.I.P : A Fak Tuk E Kalaymyo ah Cycle remhtu pa Rallokap nih an tlaih I a ruak rak la u an ti hna

Kalaymyo ah Cycle remhtu pa ralhrang nih an tlaih I a ruak in an lak ter hna. Kalaymyo ah cycle remh in paw ai cawmmi hngakchia pahnih hna I an pa Ko Min Min cu May 24 ah ralhrang nih an tlaih I a thaizing May 25 zing suimilam 10 hrawngah aruak lak dingin chungkhar sinah phone in an chonnh hna.

Kalaymyo Myotha sang, Natchaung lam, Lankalin hlei pawng ah cycle remhnak dawr a tuahtu kum 39 a simi Ko Min Min cu midai, mitha te a si I, kalaymyo ah a cangmi sandahpiahnak le meithal tlaih in dohnak zongah ai telmi a si lo nak cu chungkhar lei nih an chim.

Asinain May 23 ah Kalaymyo no.8 high school sianginn bom a puak hnuin May 24 ah Ko Min Min cu a dawr cycle remnak dawrah uniform tlingte ai hrukmi palik le ralkap an rak phan I, cikhatte hal ding kan in ngei tiah an auh hi a si. Ti ai kholh lio caah rianriang in an thlenter I an auh. Kan rak thlah than colh lai an ti. Asinain palik sakhan ah kalpi loin dahkahsah ralkap sakhan leitu ah an kalpi tiah chungkhat nih an chim.

May 24 chun 12 hrawngah Ko Min dahkasah lei an kalpi hnu in zan 8 hrawngah Ko Min Min nih an nu sinah phone a rak chonh. Phone a rak chonh lio ahcun a zeizong a tha ko, sianginn bompuahnak kong he pehtlaiin an zumh lo caah bia an halnak le amah kha bom puahtu tiah minung 5 nih report an tuah nak kong cu a nupi sinah cun a chim.

Cun an in hrem maw tiah kan hal I an ka hrem lo rawl zong tha tein an ka pek ko. voksa an kapek nain ka ei ngam lo caah ka ei lo a kan ti tiin chungkhar pakhat nih a chim. Cucaah a thaizing May 25 zing suimilam 8 in a nupi nih Ko Min ca rawl le thlennak thil puan pek dingin dahkasah sakhan ahcun a va kal. duty pakhat nih mah thil pawl cu a rak lak piak. An pa Ko Min he cun an I hmu lo i thil thlennak le lakphakti le changreu hna cu a kuat.

Mah hnu suimilam 10 hrawngah phone an rak chonh hna I Ko Min athi cang tiah an rak chimh hna. A ruak cu Dahkasah pawng ihkhun 100 a umnak ralkap sizungah lak dingin ralhrang nih an chonh hna. A ruak cu an lak ah tangka 500000 he an pek hna, inn an phanh tikah cun a ruak cu ti khawlh dingin a angki an phoih tikah cun alu in a keng tiang anak mi hma lawngte a khat, alu le a kut ah nam in an ahnak hma vialte an hmuh hna.

An tlaih in suimilam 24 chungah a thi. Kalaymyo I an tlahmi vialte hna lakah hin mah bantuk in an hrem hmasabik a si. A hlan dothlengtu ralkap hmanh mahtluk in an hrem bal hna lo. Ko Min Min hi sandah piahnak zongah aitel ballo. Asinain NLD tha a petu pakhat a si. Cycle remhnak a dawr pawng innpa hi dalan minthang a si tiah khuami nih hngalhmi asi.

Duhlonak pung an tum lio ah hna nan chet hna nan kan hnawh nan tum rih ahcun an report hna lai tiah ca in an rak pek bal cang tiah hawikom nih an chim. Cucaah an chungin hmun dangah an I thial I ni 20 hnu ah chungkhar khuasaknak ruangah an rak kir than I dawr cu an awn than tiah theih a si. Irrawady

Be the first to comment

Leave a Reply

Your email address will not be published.


*