R.I.P : A Thah Hnu ah Covid In A thi An Ti A Chngkhar Cu A Ruak Lak Dingin Ralkap Hna Nih Thawng An Thanh Hna

SAC Ralhrang nih Meithal in an Kah i an Kalpimi Chin Nungak a Nunnak a Liam
——-

A fak tuk hringhran e Nizaan tihni June 23, zaan sml. 9:00 hrawng ah Kalaymyo ah SAC ralhrang nih meithal in an kah i an kalpimi Chin nungak Nuam Za Thiang (kum 19) cu a ruak rak hlam ding in SAC ralhrang nih nihin (June 24) ah chungkhar thawng an thanh hna, tiah thawng kan theih.

Nungak Nuam Za Thiang hi Falam peng, Zawlnu khua in Kalaymyo ah a nu va tlawn ding in a kalmi a si. June 23 zaan ah a hawipa Salai Ngun Nei Piang he Taungphilar sang in an rak ttin lei ah SAC ralhrang nih meithal in an kah hna.

A hawipa Salai Ngun Nei Piang cu a hmun ah a nunnak a liam. Nuam Za Thiang hi a phei ah meithal kuan nih an khen i SAC ralhrang nih an kalpi. COVID-19 zawtnak in a nunnak a liam tiah nihin ah a ruak rak lak ding in SAC ralhrang nih chungkhar sin thawng an thanh hna hi a si.

Chungkhar nih a ruak a lak i COVID-19 zawtnak in a thi bantuk in a ruak cu an vuiter hna, tiah Falam CDM bawmhnak petu bu nih an langhter. The Chin Journal

Thawngpang dang : Misual Min Aung Hlaing Cu Lunglomhnak Zaapei Bengh Bu He Chaklei Asian Ram Uk Dawh In A Um Cang

Senior General ,Min Aung Hlaing le a hawi le hna cu Russia ram 9th Moscow International Security Conference ah itel dingin 20.6.2021 ( Sunday) ah khan a phan.asinain Russia ram Moscow khuapi a luh hlan ah a ran nak in Serbia Federal District khuapi 5nak Irkutsk khua ah a lut cawlh.Irkutsk khua ah hin Russia nih u-30 type interceptor/ ground-attack aircraft hriamnam pawl a ser nak hmun a si.

NLD cozah nih hin kum 2018 lio ah khan phaisa tam taktak dih in Russia cozah sin ah Sukhoi Su-30SM fighter jets 6 ralruknak cu a rak order cang mi a si.curuangah kum 2019 kum ah khan General ,Min Aung Hlaing nih cun a thli in Russia ram ah kal in NLD cozah order mi hriamnam hna cu a va zoh bal cang.General ,Min Aung Hlaing nih Moscow khuapi phan hmasa lo in cu hriamnam hna cu zohfelnak a nei hmasa tiah theih a si.

Russian sermi raltuknak jet Misual Min Aung Hlaing nih a cawk mi hna konghe pehtlai in Military analysts pawl hna nih an chim nak ah cun Min Aung Hlaing cozah Myanmar Air Force nih hi tluk in a t’ha mi raltuknak Jet a neih asi ah cun a ram mipi chim lo chaklei Asian ram vialte hna caah zongah t’ihnung taktak a si kho tiah an chim.

Russia Security council chief Nikolai Patrushev le Min Aung Hlaing cu he can saupi lungduh bia an i ruah hnu ah Russian President Putin he i tong kho hmanh hna hlah sehlaw Myanmar ralkap officer training pawl hna cu a thong lengin University scholarship pek ding tibantuk pawl vialte an ceih dih.Russia nih Navy lei ralkap thazaang hneksak nak tuah a timh mi zongah Min Aung Hlaing le a hnuzul pawl hna cu i tel ve dingin timhlamhnak zong an nei tiah theih a si.

Be the first to comment

Leave a Reply

Your email address will not be published.


*