R.I.P : Apoi Tuk E Chin Kan Unau Mi Pakhat Thahnak In A Nunnak A Liam

Nizan zarhte ni zan suimilam 10 hrongah Mizoram, N.Serzawl khuami Lalrinliana kum 36 cu an khuapa pakhat nih nam he a tuk i a thi tiah theih a si. Nizan suimilam 10 hrongah mi an in sual tih thawng an theih le cangka in YMA le VC pawl cu buainak a chuak nak hmunah an va tli, an va zoh tikah Lalrinliana cu a lu, a tukhum le a liang hrongah hliamhma tampi le thisen he a rak ril ko mi an va hmuh.

YMA le VC hna nih Lalrinliana cu a ran khawh chungin an khua pawng Darlawn siizungah an tlik pi colh nain tuzing suimilam 1 le cheu hrongah a hliamhma tuar lo in a thi tiah theih a si.

Lalrinliana nam he a tuk mi pa hi Zonunsanga a si. Lalrinliana nu le Zonunsanga nu te hi unau an si. Zeiruangah dah an in velh tih belte theih a si lo, Zonunsanga hi tuzingah khan Darlawn palek nih an tlaih cang tiah theih a si. Ref; MSR. Credit : thechinpost

thawngpang dang relchap : CNF le Caankarlak Cozah NUG Karlak Hnatlaknak Minsen an Thu Kho
————
Myanmar ram ah Federal Democracy uknak phung ser ding in le rialdip uktu (SAC ralhrang) hmun khatte ah doh tti ding in CNF le NUG karlak ah nihin (May 29) ah hnatlaknak minsen an thu kho, tiah NUG le CNF nih offical in thawng an thanh.

Cu hnatlaknak ah cun NUG le CNF karlak ah pakhat le pakhat i theihpinak le i upatnak a um i, rialdip uktu (SAC Ralrhrang) dohdalnak rian ah le Federal Democracy rampi sersiamnak rian ah kutsih in kan ttuan tti lai timi pawl an i tel.

Cu Hnatlaknak cu CNF lei in Chairman Pu Zing Cung, vice-chairman le secretary pawl nih minsen an thut bang in NUG lei zong in Union Minister Mann Win Khine Tann, Foreign Minister, Home Minister le Defense Minister hna nih minsen an thut ve hna. CNF hi Myanmar ramchung tlangcungmi hriamtlai bu vialte lak ah NUG he a pakhatnak bik hnatlaknak minsen a thumi a si.

Be the first to comment

Leave a Reply

Your email address will not be published.


*