R I P : Apoi Tuk E Tuchun Ah Tonzaang Khuami Minung 3 An Nunnak A Liam

Tonzaang Khua ah COVID-19 in Minung 3 Nihin ah an Nunnak a Liam. Nihin (July 4) Tonzaang khua ah COVID-19 mizaw pathum an nunnak a liam, tiah thawng kan theih. “COVID-19 zawtnak in an nunnak a liam. Minung pahnih cu sizung ah an thi i, a dang pakhat zunthlum zawtnak a ngeimi hi inn ah a nunnak a liam,” tiah Tonzaang peng ngandamnak lei director Dr. Thang Shing nih a chim.

Nihin ah Tonzaang khua ah minung 31 COVID-19 zawtnak an check hna i minung 8 sin in COVID-19 zawtnak an hmuh chap, tiah thawng kan theih. Credit: The Chin Journal; July 4, Yangon

thawngpang dang relchap : A Poi Taktak : Laitlang Khuate Pakhat Ralkap nih An Luhhnawh Hna i Khuachung Thuil A Cangmi UPDATE

Falam peng boruak a sang ngai cang caah inn le lo chuah takin ram lakah dornak a kawlmi Webula khuami pawl cu inn lei ah kir khawh a si cang tiah thawngthanhnak an ngeih cang ko hna nain SAC ralkap pawl tihah mi tam deuh cu an kir ngam rih lo tiah an ti.SAC ralkap le khuami kar lak i palai hmanmi hna sin in a chuakmi a si i ralkap lei in official in bia chuah mi pakhat hmanh a um rih lo pinah ralkap lei zakhat ah zakhat an zumh khawh hna lo caah kir ngam loin an um hna.

Mindat pawl he an i do lioah ralkap pawl thinlung cu fiang ngai in a lang cangmi a si i cu bantuk dirhmun cu kan phan ve lai ti an phan bik caah a si ko. Ralkap pawl cu khuachungah an um lai i khualeng pawngkam ah vawlei i chiahmi bomb cu an rak hmanh lai ti an phang. Ralkap nih khua an chuah tak dih hnu in vawlei i phummi bomb cu kan kawl ta dih lai cu hnu lawngah khuami tam deuh cu kan kirn gam lai tiah a ti.

Jebula khiani pakhat he an i pehtleihnak a ngeimi ramleng unau hna nih an kan theih pimi a si. Khuachung i an luh lio i khualeng pawngkam ah vawlei chung i phum mi bomb cu a rak um ko lai.Ralkap nih khua an chuah tak dih hnu ah vawlei chung i phum mi bomb pawl cu hawl ta dih hnu lawngah kan kir ngam lai tiah a ti hna.

Falam pengah June thla dih lai ah ralkap uknak hmuh ding hi a tam chin lengmang caah khuami tam deuh nih cun ram lak ah dornak an kawl hna. Ralkap lei nih Falam peng cu hmun ram hna cu an nor chinchin caah June 29 ah SAC ralkap le CNDF cu i donak ai thok. Zinglei nazi 7 hrawngin kap an i thok i nazi 2 chung bak an i kap.

An i kahnak ah cun SAC ralkap lei in minung 20 an thi tiah theih a si.CNDF lei in minung 4 nih ram le miphun caah an nunnak an pek ve tiah CNO nih official tein thawngthanhnak a rak tuah. June 30 ah i donak a um than hnu SAC ralkap le CNDF hna cu i do rih lo dingin an i chawn bia kho tiah thawng a um ko nain CNO nih zeihmanh cu kong cu an chim lo caah FMO zong nih kan feh ter ve rih lo tiah a ti.

Be the first to comment

Leave a Reply

Your email address will not be published.


*