R.I.P : Apoi Tuk E Zih Hme Thihnak Thawng Hi Kan Theih Lengmang Pu Leng Hrin Ngai Kan In Siang Lo E

Apoi tuk e, vawlei tu lio kan vawlei khua caan zoh tik ah kan khuacaan hi a hman kho ti hrim loh, khatlei kam ah Rallokap nih heh tiah minung an kan tlaih an kan thah an kan nawn, khatlei ah China thilser Covid-19 nih heh tiah , kan vawlei pumpi cu a kan thah dih fawn, a bik in kan kawlram ah bia tak tein Virus a karh lingcing a si tiah thawng kan theih, Kan caan hi a dik kho hrimhrim ti lo e, cu caah kan thlarau nun ah ready tein le timhcia tein um khawh peng i zuam ko hna usih.

Tu tan ah ah Pu Leng Hrin Ngai nih a kan liam tak tiah thawng kan theih fawn, Vawlei cung hi cu e, kan chin miphun in thihlohnak thawng lawngte kan theih ko mu. Pu Lenghrin hi ca ttial tu nih a thih ning le a khua le a um nak a langhter lo caah a thih ning tak hi cu tlamtling in kan van langhter kho ve loh. A kaltak mi hna a chungkhar le Bawipa tu nih hnem hrim ko hna seh.

thawngpang dang relchap : Ralhrangbu cu an Fah tuk cang caah Mipi cungah lei An Rul tiah KWAT nih a Thanh
==================================
Ralhrangbu hi Kachin ram ah an fah tuk cang caah lehrulhnak ding caah a phunphun in mipi cungah an tuanmi a si tiah Kachin Women Association of Thailand- KWAT nih June 16 ah report he an thanh.

Hi kong he pehtlaih in KWAT chungtuan Daw Mun Nay Li nih “ralhrangbu nih nawlngeihnak an lak hlan in kan ram ah nuhrin covo an buar mi a tamtuk cang. Uknak an lak hnu chinchin cu zei poh anmah kutchungah a tla. kan duhning in zei poh kan tuah khawh ti phun in an um caah mah report hi kan chuah mi a si” tiah a chim.

KIA nih March 25 ni ah ralhrangbu sakhan Alaw Bum an lak hnuah lehrulhnak ah Moemauk peng khua le inn hna meithal ngan in an kah caah khuami 6000 hreng lo an zaam. Myothit, Kunglaw ah 9 an thih pin ah hngakchia tel in minung 15 hma an pu.

Myintkhyina, Moenyin, Kanmai peng mino hna cu KIA he nan in pehtlaih tiin an tlaih, an hrem hna, khuami inn le lo an hrawhpiak hna tiah report nih an langhter. Mah bantuk a si bu in ASEAN meting zong an kai kho. NUG cozah tu hi vulei nih pom seh ti kan duh. Ramdang nih meithal cawk zong a kan phih piak ding le ram kahdohnak ah vanlawng hmannak nawl zong khap piak le No Fly Zone zong tuah piak dingin kan nawl hna.

Harsatnak a tong cuahmah mi ralzaam le mipi zong bawmhnak tampi kan herh tiah Daw Mun Nay Li nih a chim. Thai ram um Kachin Nu bu- KWAT hi 1999 ah Thailand, Chiangmai ah dirhmi a si i, Kachin ram chung thil a cang mi Nu hrin covo le ralhrangbu nih mipi cungah an sualnak pawl a langhter tu bu an si. Ref; KNG, KWAT

Be the first to comment

Leave a Reply

Your email address will not be published.


*