R.I.P : CDF-Mindat Minung Pakhat Ralhrang Kut In A Kan Liam Tak A Poi Tuk Hringhran Ai E

Ralhrang hña nih ralzam bantuk um ter riang mang in CDF-Mindat minung pakhat an kah caah a nunnak a liam. Chin ramkulh, Mindat peng Chichawng lei Bukun khua ah ralhrang rallokap hña cu ralzam ban tuk um ter in CDF-Mindat he May -21 chun hnu suimilam 2:00 in 6:00 tiang kah doh nak a chuak tiah theih a si.

Bukun khua cu ralzam pawl an um nak khua a si, A tu ban tuk in kah doh nak a chuah than caah ruah sur lak ah hmundang ah an i thial than. Mindat mipi uk tu phu- thawng hlat tu hña nih rallokap hña hi mipi thuam in an i thuam i, ralzam har tong mi hña ban tuk in an i um ter hnu ah an ra , neih ten an um hnu ah meithal in kah hram an thok hi a si.

Rallokap hña hi a hlan kah doh nak ban tuk in, kah doh nak ah hriam ngan an hmang tiah an langh ter. Cu ruang ah CDF-Mindat in ralkap tha Thang Naing nih ram ca le miphun caah a nunnak a pek.Ralhrang Rallokap lei zong in minung pakhat a nunnak a liam, hliam hma tuar mi zong an um len tiah Mindat mipi uktu nih a tial. Hmanthlak hi CDF-Mindat nih rallokap motor an rak lak lio hmanthlak a si. Crd: TCP

thawngpang dang : Kani pengah Mipi ralkap le ralhrangbu i kahnak ruangah khua 12 leng an zam dih

Sakaing ramkulh Kani peng Myaing khua lamteh ah tuzing May 22 ah Mipi ralkap le ralhrangbu hna an i kap caah pawngkam khua 12 in mipi hna cu an zam dih tiah theih a si. I kahnak hi tuzing suimilam 7:15 hrong ah rallokap mawtaw 10 leng he suimilam 1 leng chung an kah caah Kinyua le Khungkyi oksuh ah a um mi khuami hna cu an ti i an zam dih mi hi a si.

“An in kah nak pawngkam khua 12 leng cu an dihlak in an zam dih cang. Pakhat hmanh an tang ti lo” tiah Mipi ralkap pakhat nih a chimh. An in kah nak hmun le Kinyua hi meng 15 hrong a hlat mi a si nain ralhrangbu lei nih meithal ngan he din lo in an kah thluahmah caah Mipi an zam dih mi hi a si tiah theih a si. #Thanlwinkhet news

Be the first to comment

Leave a Reply

Your email address will not be published.


*