R.I.P : Falam Peng Zawngkong Khuami Mai Nuam Za Thiang Ralhrang Nih An Kahthah

Falam Peng Zawngkong Khuami Mai Nuam Za Thiang Ralhrang Nih An Kahthah. June 23 zaan ah Chin ramkulh,Falam peng Zawngkong khua in Kalaymyo Tahan ah Saikel in a kalmi kum 19 mi Mai Nuam Za Thiang cu Kalay Sehzung pawngah ralhrang nih meithal kahnak in a nunnak a liam.

Mai Nuam Za Thiang hi tanghra a aungmi asi i nikum ah khan University kai ding asi nain Covid zawtnak ruangah kai kho lo in a um i sianginn kai caan a hngah lio asi. A ruak cu Kalaymyo sii-inn ah chungkhar hna nih an va lak i,nihin June 24 ah ruak vuinak an tuah. The Chin Post

thawngpang dang : Hakha Ah Covid Mizaw thar (27) Hmuh Chap An Si, A Zaw Mi dihlak An tam Ngai Cang

June 25, Hakha City Hall ah COVID-19 zawtnak minung 152 check mi chung ah minung 27 an zaw tiah kan theih.

“Dawrhlun Sang in 1, Cawbuk Sang in 7, CCU in 2, Pyidawtha 1, Chin Oo Si 2 le Dawrthar Sang ah 14 tiin hmuh an si, tiah Hakha Christian Minister’s Fellowship (HCMF) Secretary Rev. Dr. Stephen Lian Hup Ling nih a chim,” tiah khuami pakhat sin in kan theih.

June 25 tiang Hakha khua ah COVID-19 in a zaw mi minung 45 hrawng an si cang, tiah kan theih.

Be the first to comment

Leave a Reply

Your email address will not be published.


*