R.I.P : Free Burma Ranger Pasaltha Olson Nih Miphun Caah A Nunnak A Pek

Nihin Kayah ramkulh ah Ralzam pawl bomhchanh ding in aa thawh mi Free Burma Ranger pasaltha Olson cu lampi ah Ralap he an i tong i cu ahcun Ralkap kuanfang nih a khen caah a nunnak a liam ti asi.

Nihin i kahnak ah Olson pin ah a dang PDF (Kayah) pasaltha minung (3) zong an nunnak a liam ve ti asi. Olson hi cu Free Burma Ranger timi, Karenni hriamtlai phu pasaltha a si i a dang a thi mi minung 3 tu hi Kayah PDF an si hna.

Hi kong he pehtlai in Free Burma Ranger chungtel pakhat nih “Nihin zing ah khan Demoso mipi ralzam pawl bomhnak pek ding in kan i thawh hna. Cu ahcun lampi ah Kawl ralkap pawl nih an kan kap i cu ahcun kaphnih karlak kahnak caan zeimawzat a chuak. Cu ahcun PDF chungtel pin ah kan mah FBR pasaltha zong a nunnak a liam ve hi asi” tiah a chim.

A nunnak a liam mi FBR pasaltha hi All Lo Sein tiah theih a si i dawtnak in Olson tiah an uh mi a si. A mah hi kum 20 te lawng a si rih. Hi kahnak a chuah hnu tlawmpal ah Ralkap lei nih Demoso le a pawngkam khua pawl cu hriamnam ngan, miakpi le Bomb in an rak kah cuahmah ti asi. Vom

Thawngpang dang : Min Aung Hliang Nih Zeikhua Dek A Ruah Cang Hnga, KNU Nih Kawl 200 Renglo An Thah Cang Hna

Brigade 5 Chungah May Thlachung Kahdohnak Voi zakhat renglo a chuak, Ralhrangbu 200 Leng An Thi. May thla thawkin ralhrangbu le BGF hna cu thazaang an rak i chap caah kahdohnak fak ngaiin a chuak.

Nihin May 26 tiang kahdohnak 100 leng a chuak, ralhrangbu lei 100 deng an thi tiah KNU Brigade 5 chimhnak nawlngei Lt. Col. Saw Kale Doe nih hi ti hin a chim. “An mah lei BGF hna he fonh in kanmah lei ah thazaang an rak i chap caah kan karah buainak zong a zual, i kahnak zong a fak chin lengmang, A dai cang ti hrim a um lo. May thla thawkin nihin tiang voi 193 kan i kap cang” tiah a ti.

Voi 100 leng i kahnak ah ralhrangbu 128 an thi, 180 hriamhma an pu, Mawtaw 9 kan hrawh, thil phorhnak ah an hman mi Raang 12 a thi. Kanmah lei pahnih an nunnak a liam ve, Minung pakua hma kan pu tiah Lt.Col. Saw Kale Doe nih a ti.

Ralhrangbu lei nih khuachung le Dum/lo ah meithal ngan lung 98 an kah, inn 5 an hrawh, Takawtha khua ah inndong 40 leng mei in an khangh i thilri le facang hna an lak piak hna tiah theih a si. KNU Brigade 5 ah a cawlcang mi ralhrangbu hna cu “MOC 5 tang LIB 405, 407, 408 le BGF battalion 1103, 1014, 1011, 1018 le 1019 hna an si. Atu ah LID 44 tang battalion pawl zong Bilin leiin an rak kai tiah kan theih, minung le tatyin pawl tu cu fiangin kan chim kho rih lo tiah KNU nih a chim.

May 24 le 25 ah zong BGF pawl he i kahnak a um than. BGF lei an hruaitu he minung 3 an thi, 11 hma an pu tiah theih a si. #KIC, Credit: TCP

Be the first to comment

Leave a Reply

Your email address will not be published.


*