R.I.P : Kan Laipa Nih Tuzingah Hi Vawlei Cung A Nunnak In A Kan Liam Tak Ruangmang E

Tu lio kan vawlei khua caan zoh tikah kan thawngpang theih le Online kau zong hi ngamh in a um ti loh, tu lio kan boruak cu kan Chin miphun nih Ralkut in siseh Virus in siseh dam lo nak dang tete in thihnak thawng rumro kan theih tik ah lung a ttha hrimhrim loh.. Tuzing zongah kan chin mi chungin thih nak kan tong tthan hoi a poi ko mu.

“A poi tak tak si, kan vawlei ngai hi cu a poi ti hlei cu chim ding a um lo. Kalay ah kan Laipa Zolun Offset neitu Salai Kim Khai Zolun nih ruah lo piin aa kan thih tak. Kan i ui tuk hring hran ko mu. Bawipa nih ngeihchiatnak a tuarmi chungkhar dih lak umpi ko hna seh. ” Kalay khawpi ih Zolun Offset neitu Salai Kim KhaiZolun in tuini June 19 zing ah mual in liam san.”

thawngpang dang relchap : Ralkap nih Thimnak Thar An Tuah Lai Ningdan Mipi Theihter Hram An Van Thok Taktak Cang (Rak zoh ve)

Kawlram ralkap nih an kut tang i rampi thimnak tuah an timh ning daan cu kawlram mipi sinah theihternak an tuah cang i cu an timhtuah mi ah cun ralkap nawlngeihnak a tam chinchin lai i NLD party cu cawlcang kho lo dingin tuah an timh tiah ramchung party hotu pakhat nih cun a chim.

A himnak caah ramchung party hotu min lang lomi pakhat nih a chim ningah cun a hlan ah cun Thailand in kawlram ah hrilawknak an rak cawng i tuah cun Kawlram in Thailand tuah an cawng ve cang.Cucu RR timi hrilawknak a si i ralkap nawlngeihnak a tam chinchin lai. Keimah zumh ningah cun ralkap nih zeipaoh nawlngeihnak an lak ding le NLD party cawlcang kho lo dingin an tuah lai.

Cu pinah hlutdaw ah ralkap telnak cu a tam chinchin ding tiah zumhnak ka ngei tiah a ti. Cozah hlun hlutdaw ah ralkao nih cun hlutdaw ah 25% an rak ngei i 25% nawlngeihnak cu an covo a rak si.

Tuah cun an mah nih thimnak an tuah khawh a si le cunak tamin hludaw ah tel an i tim tiah party hotu pakhat nih cun a chim mi a si. Cu kong cu tuni June 17 ah an mah ralkap thawngpang thanhnak ah an rak chim tiah theih a si.

Be the first to comment

Leave a Reply

Your email address will not be published.


*