R.I.P : Kan Pa Rev. Khua Rul Nih Mual A Kan Liam Tak Ruangmang E

Apoi hringhran ko mu, Tu tan cu Pathoian rian ṭuantu han deuh in an kan liam tak i a poi kan ti tuk. Tantakmi chungkhar,Khrihfabu Bawipa nih hnem ko hna seh. Hitin MT nih a atarlangh. Rev. Khua Rul, CJC, Kanan, June 26 zingah mual in liamsan. Naih a hcia tuk hringhran. A dnag relchap hna u sih. Man ngeitein. Zeithil paoh hi lunglawmtein le man ngeitein manzia thiam hi biapituk asi.

Man a ngeilo ah maw ruat hna lai cih! Bawipa thluachuah laksawng an si. Zawtfahnak na ton tikah zeitlukindah ngandam a sunlawi zia na fiang lai. Na taksa pum a tlamtling lo tikah zeitlukindah na taksa pum tlamtlingtein um kha a sunlawi zia na fiang lai. Biakinn ipumhnak kham/doh asi tikah zeitlukindah Biakinn ah Bawipa thangṭhat a sunlawi zia na fiang lai.

Rianṭuan awk naa hmuh lo tikah zeitlukindah mitkuh cim loin, taksa ruh fah le thaba ngai in rianṭuan kha a sunlawi zia na fiang lai. Ramtang na zaam tikah zeitlukindah inn ah lungdamtein ih/um khuasak a sunlawi zia na fiang lai. Nan inn mei a rawh le ti a rat lo tikah zeitlukindah mei le ti na duhtawk in na hman kha a sunlawi zia na fiang lai. Na nupi/pasal he pum in nan iṭhen.

Asilo le thihnak in nan iṭhen tikah zeitlukindah hmunkhatte ah nan um ṭi lio a sunlawi kha na fiang lai. Kaathawtnak tehna, ihngilhkhawh tehna, zunput kalkhawhnak tehna, zunzun khawh tehna, rawl eikhawh tehna, ti dinkhawh tehna, ṭhut le kal khawh tehna, ih le zau khawh tehna, hna theih le mit khua hmuh tehna, holh le hlasak khawh tehna, tibantuk a tampi.

Cucaah Bawipa nih an pekmi thluachuah cungah le na siningte ahkhan nifatin ilawm zungzal. A tu na kut cung i a ummi hna kha a hmunmi an silo. Chikhatte na ken chungmi an si. An lo ṭhan dih te lai. Na ngeihmi te ahkhan Bawipa sin ah lawmhnak chim hna. Lawmhzia na thiam ahcun Bawipa nih an chap chin ko lai. By, James Vanneilian

Be the first to comment

Leave a Reply

Your email address will not be published.


*