R.I.P : Kanpalet CDF Salai Ling Shwe Cu Ralhrang Nih A Hawng An Tan

A luancia mi zarh ah ralhrang rallokap le CDF Kanpalet i kahnak ah CDF Kanpalet chungtel Salai Ling Shwe le Salai Aung Ling pahnih an nunnak a liam, Salai Ling Shwe cu hliamhma he an tlaih i a lu an tan tiah Kanpalet khuami sinin theih a si.

Hliam a tuarmi pahnih cu ralhrang rallokap nih an tlaih hna i Salai Ling Shwe timi pakhat cu an thah tiah Kanpalet khuami sinin theih a si. Salai Aung Ling a ruak cu atu tiang a ruak an la kho rihlo tiah Chin World nih a langhter. thechinpost

Thawngpang dang relchap : A Tha Taktak : PDF Kaamlo Pasal Tha Pawl Nih Kawl Ralhrang 11 An Hnuai Hna

Sagaing Ramthen Katha Peng SAC ralkap le PDF-Katha kahdohnak ah SAC ralkap aa hliam mi pawl an thi than i minung 11 a thi mi an si cang, a thi mi lak ah Palek an tam bik. Sagaing Ramthen Katha Peng ah May 30 ah khan PDF-Katha le kawl ralhrang hna karlak fak ngai in kahdoh nak a rak chuak.

Cu kahdoh nak ah cun PDF-Katha nih kawl ralhrang lei zeimawzat an rak thah hna pinah hliamtuar zong an rak um hna i cu hliamtuar vialte hna zong cu an thi dih than caah an dihlak in kawl ralhrang lei a thi mi hi 11 an si tiah thawngpang fiangtein an rak langhter than.

Katha peng kahdohnak ah hin PDF-Katha leiin minung 5 an nunnak a liam ve caah an ngaih a chia tuk hringhran. Asinain kawl ralhrang lei zongin tamtuk an rak thah hna pinah fak ngaiin hliantuar mi zong an rak um hna i cu hliamtuar pawl cu tuchun tiangah an thi than cuahmah hna tiah thawng theih a si.

Katha peng kahdoh nak i a thi mi hna lakah hin palik an tam deuh tiah an langhter i cu palik pawl a thi mi hna cu Katha peng Cauh TUng Kyi palik sakhan ah a um mi pawl palik bawi pakhat zong a thi ve tiah thawngpang fianter nak ah cun an rak langhter ning a si. Ref: The Hakha Times

Be the first to comment

Leave a Reply

Your email address will not be published.


*