R.I.P : Malaysia Ah Cacer Zawtnak In A Nunnak A Liam E Apoi Tuk Hringhran

Malaysia ram Setia Alam khua ah hlawhfa in khua a sa mi Myanmar pa cu damlo in a um ruangah sizung ah a zawtnak a va i check. Vanchiat ngaiin a zawtnak cu thin lei cancer a rak si diam. Cu ruangah ruahchannak a um tilo tiin Kawlram lei chungkhar hna sin ah ka nunchung tal ka um kho lai ti ruahchannak le a ruak kawlram i suan duh ah i cawngh pahin kawlram lei tlun ding cu a hngah.

Asinain kawl ralhrang kong zeihmanh a chim ngamlo mi Malaysia ram hrambunh Myanmar embassay zung rianttuantu pawl nih a ni caan tanh in zeihmanh an tuah piak khawhlo ruangah cu pa cu kawlram tlun manh loin Malaysia inn an hlannak ahcun a nunnak a liam.

Amah hi a damlo nak thin cancer in a thih hi a si i a min ah Ko Ngyunt Win timi kum 36 minung a si tiah theih a si. A ruak cu nizaan June 26 ahkhan a hawile minung pakhat hnih le chiatthat zohkhenhnak phu lei in minung tlawmpal nih anmah buddhist phung ningin Cheras khua thlan hmun ah an va vui.

Ko Ngyunt Win hi Mandalay ramtthen Taungtha peng Taunggaantaw khuami a si tiah theih a si. A chuahsemnak khua ah a ruak suan a duh tuk ve nain an tlam tlinh piak kholo.

thawngpang dang relchap : Pule Ah Ralhrang Mawtaw Bomb Nih A Puah Hnawh, A Thimi An Tam
=================
Sagaing ramthen Pule peng ah June 26, chunlai 12:00pm hrawngah ralhrang mawtaw pahnih cu Yinmabin PDF nih nih an chiahmi bomb nih a puahhnawh i a thimi an tam ngai tiah theih a si. Ralhrang a thimi hna ruak cu an hawilei nih Faw mawtaw in lak hna tiah Yinmabin PDF upa pakhat nih a chim.

June 26 ah Gangaw lei in a rak rami ralhrang mawtaw 20 hrawng cu Pule peng i khuate pakhat pawngah PDF nih an chiahmi bomb an pal/rial caah atu bantuk in mawtaw hi fak ngai in a puah hnawh hi a si. “A lang lawngin kan hei zoh khawh rih caah a thimi zat kan thei kho rih lo. Ralhrang lei an thi len ti cu a fiang ko. An ruak cu Faw mawtaw in an phurh. Cun ralhrang nih an kah ruangah mi sawhsaw pakhat hliam a tuar i a zual ngai, cucu kan lungre a thei. PDF lei cu a thimi kan um lo” tiah Yinmabin PDF upa pakhat nih a chim. #Khit Thit Media

Be the first to comment

Leave a Reply

Your email address will not be published.


*