R.I.P : Matupi peng Sailo khuami John Nei Hing Kan In Siang Rih Hrim Lo E

Kan ram buai hnuah Mizoram ah himnak kawl in a rak i dor ve mi Matupi peng Sailo khuami John Nei Hing cu Nizaan June 27, suimilam 6 hrawngah a nunnak a liam. Amah hi damlonak ruangah Myanmar CDM Supporting Committee bawmhnak in Aizawl, 7 Day Adventist Hospital ah Oxygen he saupi zohkhenhmi a si. A ruak hi a chung le khua an sak ve nak Mizoram, Dapchuah khua ah tuzan ah vui a si lai. The Chin Post

thawngpang dang relchap : R.I.P : Malaysia Ah Cacer Zawtnak In A Nunnak A Liam E Apoi Tuk Hringhran

Malaysia ram Setia Alam khua ah hlawhfa in khua a sa mi Myanmar pa cu damlo in a um ruangah sizung ah a zawtnak a va i check. Vanchiat ngaiin a zawtnak cu thin lei cancer a rak si diam. Cu ruangah ruahchannak a um tilo tiin Kawlram lei chungkhar hna sin ah ka nunchung tal ka um kho lai ti ruahchannak le a ruak kawlram i suan duh ah i cawngh pahin kawlram lei tlun ding cu a hngah.

Asinain kawl ralhrang kong zeihmanh a chim ngamlo mi Malaysia ram hrambunh Myanmar embassay zung rianttuantu pawl nih a ni caan tanh in zeihmanh an tuah piak khawhlo ruangah cu pa cu kawlram tlun manh loin Malaysia inn an hlannak ahcun a nunnak a liam.

Amah hi a damlo nak thin cancer in a thih hi a si i a min ah Ko Ngyunt Win timi kum 36 minung a si tiah theih a si. A ruak cu nizaan June 26 ahkhan a hawile minung pakhat hnih le chiatthat zohkhenhnak phu lei in minung tlawmpal nih anmah buddhist phung ningin Cheras khua thlan hmun ah an va vui.

Ko Ngyunt Win hi Mandalay ramtthen Taungtha peng Taunggaantaw khuami a si tiah theih a si. A chuahsemnak khua ah a ruak suan a duh tuk ve nain an tlam tlinh piak kholo.

Be the first to comment

Leave a Reply

Your email address will not be published.


*