R.I.P : Mi Biapi Saya Ci Na Chan A Tawi Tuk E, Kan In Siang Hrimhrim Rih Lo Nain

Poi tuk aw. Ni fatin tein thih dawr kan thei lengmang. Nifatin bakin Chinram ah thih thawng kan theih lengmang ko hi ta. Hihi zeiruangdah a thi timi tu cu an tarlangh lo. MT page nih hitin a langhter. Sayakyi Thawm Vela, Kum 61, Evangelical Methodist(EMC), Falam, June 27, Nizaan zing 3:00 am ah mual in liamsan.

thawngpang dang : Pu Huliana A Tlau Ning Cu Mah Ti Hin A Si


I
Pu Huliana A Tlau Ning. Mizoram Dilzawl khuami Huliana kum 38 cu June 23 ah am an riahnak hmun in a tlau mi cu nizaan June 27 zaanlei ah khan dam tein an khua a rak phan than. Nithum chung an kawlnak ah a pawngkalnak pawngah a phanat an hmuh ti dah lo cu a nehnang hmuh ding zong pakhat hmanh a um lo tiah theih asi.

A tlau ning kongah chimmi le bia vaivuan zong a tam, amah hi a lungfim tuk lo caah Darlak Branch YMA nih nihin ah a tanglei bantukin thanhnak an ngei. An ram riahnak lam tiva te pakhat ah Bak umnak lungkua a um tiah theih asi. Mah Bak lungkua cu Huliana nih hin a va luhnawh i va hrawh dawh asi. Mahcu khuachia pawl an lungtling lo caah an hruai tiah zumh asi.

Amah nih a chim ningah; a kan tlaih hnuah ka lu an ka tan i, ka lu cu cabuai cungah an chiah. Mah lio cu ka theih hngalh mi hna zong ka hmuh len ko hna nain a hohmanh nih chanh an ka tim lo. Ka hnakhaw cu an cik than nain an sii bawipa nih a ka bunh piak than.

Aho nih dah khua ah an in hruai than tiin an halnak cu “an tam tuk “ tiah a leh hna. Huliana hi Bawngva khua an ram riahnak thlam in pawngkal dingah a kal mi cu rak tin ti lo in, a kalnak theih asi ti lo caah kawl asi.
Amah hi a lungfim tuk lo caah tha tein biahal awk a tha rih lo, mah vial hi atu ah kan theih khawh chungmi a si tiin Darlak Branch YMA nih a chim. Sd/- Secretary Darlak Branch YMA. The Chin Post

Be the first to comment

Leave a Reply

Your email address will not be published.


*