R.I.P : Mindat CDF in Salai Ling Zaw Om nih nunnak a pek

Mindat CDF in Salai Ling Zaw Om nih nunnak a pek
=============================
June 8, SAC ralkap le CDF-Mindat kahdohnak ah CDF lei in kum 18 hrawng a si mi Salai Ling Zaw Om nih nunnak a pek. “Tuzing zinglei ah Mindat in meng 10 tluk a hlatnak, Phayarsakhan khua pawng ah kahdohnak a um. SAC ralkap lei nih hriamngan an hman,” tiah tuanvo ngeitu pakhat nih a chim. June 8 tiang ah Mindat CDF in minung 22 nih ram le miphun ca ah nunnak an pek cang. The Hakha Times

Thawngpang dang relchap : Hakha Market Thilzuar Nu Upa Cheukhat SAC Palik nih Lunghrinh in Sakhaan ah an Kalpi Hna
———-
Hakha Market chung COVID-19 runvennak kong meeting a tuahmi Market thilzuar nu upa cheukhat cu SAC palik nih nihin chun ah lunghrinh in palik sakhaan ah an kalpi hna, tiah thawng kan theih. Market chung COVID-19 runvennak kong meeting an tuah dih hnu minute 30 hrawng ah palik an rak phan i Sui Hlawn Nu le A Zi an kalpi hna, tiah Market thilzuar pakhat nih The Chin Journal ah a chim.

“Meeting kan tuah dih hnu minute 30 hrawng ah palik an rak phan i Sui Hlawn Nu le A Zi motor in an kalpi hna. An pahnih lawng cu Kawlholh zong an i harh deuh kan ti i, kan Chairman Pi Thla Sung a va kal ve,” tiah a cunglei nu upa nih a chim.

“Zei ruang ah dah ralkap le palik thil zuarh hna hlah u tiah nan forhfial hna tiah palik nih sual an rak puh hna. Pi Thla Sung nih thil sining a chimh hna hnu ah an thlah tthan hna,” tiah a chim chap.
Nihin chun Hakha Market thu pawl meeting an tuahmi hi COVID-19 runvennak kong a si i, tangka 1,000 cio thawh i Mask le Hand Gel cawk hnu ah Market luhnak kutka ah mipi hman ding in chiah ding in khuakhaannak an ngei, tiah kan theih. The Chin Journal

Be the first to comment

Leave a Reply

Your email address will not be published.


*