R.I.P : Mizoram Baktawng Khua Ah Pathian Bantuk In An I Ngeih Mi Nupi Tam Taktak A Ngei Mi “Zion” A Nunnak A Liam

Vawlei cungah hin a ho hmanh a thi kho lo mi an um loh ti hi fiang tein hmuh khawh a si, Mizoram ah a lar taktak mi Baktawng khuaah a um mi Pu “Zion” hi mi mak taktak pakhat cu a si, thil a ti kho taktak mi a si i, an khua mi hna nih hin cun Pathian a si ti tiang in an ti phah. An khua mi hna nih fanu an ngeih a si ah cun mah Pu Zion sinah hin an fanu cu an pek tawn cu tluk in an ttih Pu Zion hi khuami hna nih an duh i an Upat mi pa cu a si.

Pu ” Zion ” hi Kum 76 asi cang i, Nupi hi 39 a ngeih hna, an Member dih lak ah cun 193 an si. Mah tluk hin a tthawng i thil a ti kho mi pa pakhat a si, an khua mi hna le a chung le hna nih cun Pu Zion hi cu Pathian a si i a thi kho lo mi a si ti tiang in an ti phah mi a si, Asinain cu tluk in an i bochan mi pa cu nihin ni ah a kan liam tak cang tiah Media pakhat nih thawngthanh nak ah a langhter.

thawngpang dang relchap : Good News : Mindat-CDF Le Ralkap Thenkhat Pawl Tang Ti In Ralhrang An Doh Ti Cang

Mindat mipi zohkhenh tu PDF pakhat nih a thilton cu hiti hin a langh ter “Kan sin ah ralkap in a zam mi minung thenkhat cu khua an sa hna. Thlakhat chung hrawng an um cang hna. Kan hrem hna loh i hri zong in kan tem sual hna loh.

Zalong tein kan um ter hna i, kan rawl ei mi bantuk te kan ei ter hna. Zohkhenh tu cu kan chiah zungzal hna. kuak le zufa (ခေါင်ရည်) zong kan si khawh chung in kan pek hna. Chi Chaung i CDF pawl Kanpalet lei i umhmun an va khuar lio ah ralkap nih hmun 3 bak in an kan kan kulh. Hnu tolh ding dirhmun in kan um i, khuachung putar le pitar hngakchia vialte zong rampak ah an zam dih hna.

Kan sin i ralkap a um mi pawl zong zohkhenh pek ding an that ti lo ruang ah kan si khawh tawk cio in thawng 50 ciio hrawng kan pek hna. An hmailei lam tluan caah tiin kan thenh hna i an mitthmai cu a penh lem loh. Cuti cun kannih cu hnu kan tolh. Khua pakhat pawngkam ah um hmun kan va khuar i, kan sin i a rak um mi ralkap pawl cu kan va hmuh than hna.

Ṭhenkhat nih mipi thilri pawl cu an phurh piak hna. thenkhat nih lai meithal an ken i, khuachung ralzam pawl mipi an van hruai hna cu kan khuaruah a har tuk. “Nan tlung rih lo maw?” tiin kan hal hna i, hi bantuk i rawl an kan petu mipi kaltak cu kan sia a rem kho loh. Hmun humhim an phanh tik ah kan tlung te lai tiah an kan ti.

Ka hngakchiat lio i Vietnam raldoh ka rak zoh mi kha ka mitthlam ah a van cuang tuk. A cangtu cu Arnold a si. American ralkap a si i Vietnam raldoh dingin a pokchuak, asinain Vietnam mipi pawl nih an rak kilkhawi i an sin ah a um. Cuhnu ah cun, aumnak Vietnam mipi pawl cu arak zohkhenh than hna.

Ka thiltonmi ruangah hin hi zatlan hi ka van theih than. A tu ah cun kan sin ah kan um ter hna i lai meithal zong pakhat cio an i tleih hna. A hlanah cun kan rak zum hna loh. Ṭha te in minung kan rak zohkhenh hna ah cun kan sin ah an rak kir than ko timi hi a tu ah cun ka zumh cang. An kut ah an meithal taktak a rak phan te ko lai timi hi a langh ter.

Be the first to comment

Leave a Reply

Your email address will not be published.


*