Tu Zaanlei Ah Khan Puah Keh Nak Fak Tuk A Chuak I Ngakchia Pa Te Nih Fak Tuk In A Tuar

Apoi tuk hringhran ko e, zeithil dah Ralhrang kut hin kan ton rih mi hi a si celh ding a si ti lo e. “Tedim khua Luaibual veng ah nihin zaan lei suimilam 5:20 hrawng ah puah keh nak a chuak , (kum-10) simi hngak chia pakhat fak ngai in hliamhma a tuar tiah theih a si.” The Chin Post

thawngpang dang relchap : Ralhrangbu nih Chemical Hriamnam an hman khawh men; CDF-Mindat

Ralhrangbu nih Chemical Hriamnam an hman khawh men; CDF-Mindat. May 17 Mindat nitlak lei meng 30 le 40 kar CDF-Mindat le ralhrangbu i kahnak ah ralhrangbu lei nih chemical hriamnam an hman ko rua tiin CDF-Mindat nih nizan ah thawng an chuah.

“Tihni i kah nak ah ralhrangbu lei nih an hmanmi meithal ngan pawl hi voi dang an hman mi he a lo lo. Kanmah lei cheukhat cu hma zong zeihmanh an pu lo nain an lungmit, an ri i an luak chuak, an tha a cat/a der i hruai le put hau in an um”.

Mah bantuk a si caah Mindat nitlaklei i kahnak ah ralhrangbu nih hin Chemical hriamnam an hman rua ti ruahnak kan ngei tiah CDF-Mindat nih a ti. A tu ah Mindat khuachung le nichuahlei cu a dai nain Mindat nitlaklei Mindat – Matupi Mawtaw lampi ah fak ngaiin an in kap cuahmah tiah a chim.

Mindat khua i kahnak a chuah ruangah ralhrangbu nih Mindat cu meithal ngan, meithal hme pawl he an kah, khuachung mipi hna an tlaih, an kah caah minung thong renglo cu himnak hmun lei ah an zam cio tiah theih a si. Mizzima. The Chin Post

Be the first to comment

Leave a Reply

Your email address will not be published.


*