R.I.P: Nunnak Thap Bak In Ralkap Tank Pahnih Bak Bomb A Puah Hnawh Hna

Nizaan tihni in khan Kayah ramkulh raldohnak cu a zualtuk cang. Kayah PDF pasaltha hna le Karenni hriamtlai pawl i bawm in Police Sakhan zeimawzat an lak hnu, Police Sakhan Mei in an khangh piak hna hnu in raldohnak a zual chinchin hi a si.

The Irrawaddy News nih a tarlangh ning ahcun “Nihin zing deilei suimilam 4am in Demoso khuapi chung zong ah faktuk in PDF le Ralhrang karlak raldohnak a chuak i khuami dihlak ngawt in khuapi an zam tak cang ti asi. Nihin Raldohnak ah a tlawmbik Ralkap lei nih minung 5 an thi i mipi lei zong a thi mi an um ve tiah The Irrawaddy nih cun a langhter fawn.

Cun nai Friday i kahnak ah khan a tlawmbik Ralkap 40 an thi i Police lei zong a thi mi an um len ti a si fawn. Cu thok cun nihin zing tiang kha Demoso khuapi chung ah kahnak faktuk a chuak cang i Ralkap lei nih inn le lo zong Miakpi in an kah caah inn tampi cu a rawk ve.

“Nihin zing Demoso khuapi chung kahnak ah Ralkap lei nih Raldohnak Tank tam ngai an hman. Cu ahcun PDF pasaltha pahnih nih Ralkap raldohnak Tank cu nunnak thap in an va tlik hnawh i Bomb an puah hnawh. Ralkap Tank Pahnih cu a rawk dih ve i PDF pasaltha pahnih zong an nunnak a liam ve” ti asi.

Atu hmanthlak kan tarlangh mi hi nunnak thap in Ralkap Raldohnak tank bomb a puah hnawh tu a si, a dang pakhat cu a hmanthlak an langhter rih lo. Pasaltha upat peknak ah kan langhter mi a si.

thawngpang dang : Mah Innchung tang Teah Tha te A um Ko i Cu Luh Nawh In Ralhrang Minung 30 Nih Thi Lak In An Vel Hi Cu lung a fak Bak Ko Mu

Lwekaw Ah Ralhrangbu Nih Khuami Pakhat Inn Ah An Luhhnawh I Kut An Thlak Hnu Ah A Nunnak A Liam. Nizaan May 24 zaanlei suimilam 4 hrawngah Lwekaw-Demoso lampi ah a um mi Dohposi khuami pakhat cu an velhnak ah a nunnak a liam tiah theih a si.

“Ralhrangbu pawl minung 30 hrawng an si lai, inn chungah ka um ko, an rak lut i thi lakin an velh hnuah an chuak than” tiah khuami pakhat nih a chim. Mipi Ralkap he i kahnak a chuak pah lengmang caah ralhrangbu nih khua chungah meithal ngan he an kan kah caah inn cheukhat a rawk tiah a chim. #thit htoo lwin

Shan-Kaya Ramri Ralhrang Gate Cu KPDF Nih An Lak. May 26, 2021, tuzing zinglei 4 hrawngah Loi Lin Le lei KPDF le ralhrang pawl an i Shan ramkulh le Kaya ramkulh ramri i ralhrang gate cu KPDF nih an lak tiah theih a si. A pawng i palik sakhan zong mei in an khangh. #Kachinwaves Rf: The Chin Post

Be the first to comment

Leave a Reply

Your email address will not be published.


*