R.I.P: Pasaltha Ruang Ah Thin Zar Wint Kyaw Thinlung Kekkuai In A Um Ve E

Kawlram hlasakthiam Idiots Music Band, singer Raymond a nunnak a liam timi thawngpang ruang ah Kawlram mipi, lemcang thiam le hlasakthiam tampi nih an lungfahnak le celh lo nak an langhter cio. Cu chung ah Thin Zar Wint Kyaw zong nih a lungfahnak, ngeihchiatnak le a sian lonak cu a pumpak social media cahmai le story tiang ah a langhter ve hi a si.

“R.I.P ka hawitha va liam chung ko kun mu. Nangmah cu Artist lei cawlcanghnak ah quality a ngei taktak mi, kan i uarthlan cio mi na si e. Mitha, mifel tuantuk in nan liam hi cu a poi ka ti tuk. Hi vawlei ah kan i tong kho tthan ti lai lo timi ka ruahnak le theihnak nih ka lung a fak ter khun ko e, ka lung a tha hrim lo” tiah Thin Zar Wint Kyaw nih a langhter ve.

Raymond hi Ralkap nih tlaih ding in an kawl ve mi a si. Rampi sandah piahnak ah raltha taktak in a dir mi, lam a zawh mi le a au peng mi a si ruang ah ralkap nih tlaih an timh peng. Cu caah ahimnak ramri lei ah a zaam ve, rampi himnak ding caah tiah biatak tein aa zuam cuahmah ve lio ah a nunnak a liam hi asi.

A cheu nih cun Raifenh thluak kai an ti, a si nain a hawipa pakhat nih cun, A rilpi a pem caah a si tiah a langhter ve. VOM

Be the first to comment

Leave a Reply

Your email address will not be published.


*