R.I.P : Pastor Ca Hu Nih Mual A Kan Liam Tak

Pastor Ca HU hi Kum 40 minung asi I, Church of Jesus Christ, Myohla, Kalaymyo ah pastor a tuan lio mi asi. Tuzan lei 6.7.2021 (7:30 lm) ah mual a kan liam tak . thlacam nak he tanak mi achung khar bawm cio hna u sih. Credit: Meifar thunthang

thawngpang dang relchap : “Khuaruahhar Miphun ,Miphundang Kutah Sal Dirhmun In A Um Ding Ruaram Ceo Kan Si!!

“Khuaruahhar Miphun ,Miphundang Kutah Sal Dirhmun In A Um Ding Ruaram Ceo Kan Si!! CNA/F nih thawngpaang an ngeih deuh le an tthawndeuhnak kong kan theih tikah,Thantlang tibantuk,Paletwa tibantuk kan thin a phang cawlh i an chiatnak ding lam bak kan kawl cawlh,kaa in cun,a tha tuk a tha tuk,Bawipa nih dirpi hnaseh tiah coment hna cu kan i peek ter len ve.

Asinain,a lang lo ah,cumaw ka duh lai kan titthan.HI lungput hi kum 70 tluk kan miphun pakhat le pakhat a kan tthencheu tu kan ral hna nih an tuh mi thlaici kha a si ti hi kan ifiang hna lo.Izip sal ah kum 400 renglo tiawk a tang mi,Israel miphun hna kan lo pah.Moses nih a chuah hna lio ah khan lampi ah an phunzai i,Izip ram ah thlan a um lo maw an ti.Cun,Izip ram ah khan sa tampi kan ei,misur hang kan din an ti i Izip ram ah kirtthan kha an rak duh.

Ka miphun hna,CNA/F a tthawn ah hin,Matupi peng a um mi pa a tthawn dahkaw a si cuh,cubantuk in,CNA/F a tthawn ah hin,Thantlang,Tidin,Falam,Tonzang,Mindat,Kanpalet,Paletwa,Hakha kan dihlak in miphundang sinah kan tthawn a si i,CNF/A an tthawnlo ahcun,miphundang sinah ningzah dahkaw kan si cuh.

Cun,CNDF nih ralhrang tam ial a thah hna ah nai lawmhnak kha hel nawn in na um ding a si lo .Cun,ZFU in,Tidim,Tonzang,Hakha,Thantlang,Matupi,Mindat,Kanpalet,Paletwa,CDF nih ralhrang tam nawn an thah hna tik zong ah nai lomh ning kha a canceo lawng in nai lawmh ding a si lo.100% in nai lawmh ding a si,kan miphun nih pei an ral,kan ral cu an tei fawm hna cu.Ziah hi lungput,sal lungput le sal siduhnak lungput hi kan ngeih rih peng hnga aw!

A tu kan ram buai lio caan lebang ah hin cun,cuhlan ah zeimaw te ruangah pengkhat le pengkhat minung pakhat a si ko nain lung i hmuhthiamlonak kan rak ngeih sual hmanh ah a tu kan ram buai lio caan hi,Chin mi kan dihlak buainak caan a si i,kan chuah khawhnak ding caanttha dahkaw a si cuh…A tu caan i kan chuah khawhlo ahcun hi hnu kum 50 maw 60 tiang khi miphundang sal ah dahkaw na luh tthan lai cuh.

Cucaah,Thantlang peng mi,Falam peng mi,Tidim peng mi,Tonzang peng m,Matupi pengmi,Mindat,kanpalet,Paletwa peng mi chung in nu can le pacan hna kan fanau le ruahnak dik lo le Chin miphun karlak ah ruahnak ttha lo in a cawlcaang mi le a liamcia mi tuanbia luklak i laak riangmaang in,pakhat sikhawhlonak bia le hla a ngei mi le a chim rel mi pawl cu rak i si in rak icawnpiak cio hna ulaw,kan ram le kan miphun hi kan zumh mi,”Jehovah Pathian thawngin luatnak le zalonnak a kan peek ko lai.Cuhlan kan lungput bantuk kan si rih ahcun, kan inn tthing te ah khan a kan kirter sual lai ti hi kei ka phang hringhran ko. Nawlnak,ka ttial duhnak te hi ka merh piak ruam lai ucih tiah kan nawl hna. Kailawm. Tinduh Thang

Be the first to comment

Leave a Reply

Your email address will not be published.


*