R.I.P : Pastor No Hlei Ṭhio Nih An Kan Thih Tak Than E Apoi Tuk Hringhran

Pastor No Hlei Ṭhio nih nihin ah hi vawlei harsatnak hmun in an kan liam tak, a rianthiang a tuan piak mi Pa Pathian sin ah kan kan dinh tak cang e. Pastor No Hlei Ṭhio hi Kalay, UPC, Sitha, ah Pastor a ttuan mi a si. Nihin July 6, 2021 zaanlei suimilam 2:00PM ah hi vawlei harsatnak hmun in, zungzal nunnak Pathian sin ah an kan dinh tak cang hi asi.

Covid zawtnak ruang ah Laimi, Chin mi tampi kan thi cang. Laitlang chung lawng hmanh ah Covid zawtnak in minung 80 leng kan nunnak a liam cang. Kalaymyo hrimhrim ahcun nikhat ah 20 cung deuh lengmang kan nunnak a liam ti awk a si.

Nizaan thawngpang kan theih ning ahcun Kalaymyo ah July 1-5 karlak te lawng hmanh ah minung 130 leng Covid in kan thi ti a si. Nihin zong Kalaymyo cu Covid zawtnak in a thi mi kan tam ngai tiah an ti rih nain a thimi zat langhter a si rih lo. Tulio kan caan, kan boruak hi a chia hringhran ko. Pathian saltha tampi nih an kan liam tak mi ruah ah thinlung fak a zual. Pathian sin ah thlaza fak pi in cam hram hna usih.

Pastor No Hlei Thio nih a tantak mi, chungkhar, Khrihfabu dihlak Pathian nih in hnem hram hna seh. Ngaihchiat nak hrawmpi bu in. VOM

Be the first to comment

Leave a Reply

Your email address will not be published.


*