R.I.P: PDF Pasaltha minung (8) nih Ram le Miphun Caah Nunnak An Pek Than E

Nizaan July 2, 2021 ah Depayin Township, Sap Pya Kyin Village le Kyun Taw Gyi Village karlak pawng ah Kawl Ralhrang le PDF pasaltha karlak raldohnak ah PDF pasaltha lei in minung (8) nih ram le miphun caah nunnnak an pek tiah theih asi.

“Nizaan zinglei suimilam 6:30AM hrawng in kahnak a chuak. Ralkap lei nih Miakpi le Bomb, RPG ti bantuk hriamnam ngan puitling an hman. Zaanlei suimilam 3:30PM hrawng ah PDF lei nih Ralkap cu an kulh hna, cu tlawmpal ahcun Ralkap lei nih thazaang tampi le hriamnam puitling in an rak rat hnawh hna ruang ah PDF lei nih an kir tak than hna. Cu ahcun PDF pasaltha lei in minung (8) an nunnak a liam hi asi.

Ein Baoh khua mi PDF (1), Sap Pya Kyin khua mi PDF (5), Kaeinpyin khua in PDF (1), Makyisauh khua mi PDF(1) an si i an dihlak in minung (8) an nunnak a liam hi asi” tiah khua mi pakhat nih a chim. Sap Pya Kyin khua mi PDF (5) hna cu nizaan ah an ruak vui colh an si cang, a si nain adang pathum hi cu vui an si rih lo. Nizaan kahnak ah Ralkap lei zong a thi mi le hliamtuar an tam ngai ngai a si nain zeizat sat dah an thi ve timi kan thei kho rih lo tiah a chimchap.

Be the first to comment

Leave a Reply

Your email address will not be published.


*