R.I.P : Phakanh Pengkulh Manah Khuabawi Meithal Kah Nakin A Nunnak Aliam

Phakanh Pengkulh Manah Khuabawi Meithal Kah Nakin A Nunnak Aliam. Phakanh pengkulh, Manah khuabawipa cu nihin chunhnu suimilam 2 hrawngah min theihlomi hriamtlai phu hna meithal kah nakin a nunnak a liam tiah theih asi.

NLD party in khuate lei chairman riantlaitu pakhat simi U Tin Soe cu min theihlomi hriamtlai phu hnanih motor cung in an kah tiah a hmutu hna nih The 74 Media ah a chim. “A tu bantuk in an tuah mi hi, a tuahtu zong theih an si lo, motor pakhat a ra i …

minung pahnih nih meithal in ankah i a nunnak a liam colh, a thilchuak mizong kunza dawr ah thi lawngte aidil” tiah a chim chih. U Tin Soe hi meithal in voi riat tiang kah in anunnak a liam. U Tin Soe (kum-46) cu Manah khua ah Khuabawi kum nga hrawng a tuan cang mi asi. The 74 Media. The Chin Post

Thawngpang : Thailand Cozah Nih Mithat Lainawng Kawl Ralkap Ka Dir Kamh Lo A Ti Mi Cu Ai Pheh Kho Ti Lo

Thailand Ralkap Nih Myanmar Ralhrangbu Ti-rawl A Bawmh Hna.May 24-30, 2021 karlak ah Thailand ralkap nih Myanmar ralhrangbu sinah tilawng in ti le rawl tampi a bawmh hna tiah KNU nih cathanh a chuah. Thailand ralkap nih cun Yi Kyia Hta in Lu Taw peng Kaw Lu De ohsuh Le Se (Saw Htaw) tiang ralhrang hna caah tilawng in ti le rawl a phawrh piakmi hna a si.

Thailand ralkap nih ti le rawl phawrhnak ah an hmanmi tilawng pali cu voi 9 a tlungkal, cun Honda tilawng hme pakhat cu voi 8 a tlungkal ve tiah theih a si. Hi Thailand ralkap nih ti le rawl an bawmhmi ralhrang hna hi May 29 ah Khe Pu lei i an thilri an thial thawn lioah KNDO Battalion-1 he an i tong i an i kap.

KNU up pakhat nih cun “Hi ralhrang hna nih kan hmunhma ah nawlngeih an i tim, an nawlngeihnak hmunhter an duh, cun an kan uk khawhnak dingah an i zuam. Thailand ralkap nih ralhrang hna sinah ti le rawl a bawmhmi zong hi anmah zawn lawng an i ruat i mipi le tlangcungmi hna cash zeihmanh an ruah duh lo cash a si” tiah a chim. (Khit Thit Media)

Biatenh: Atulio Thailand PM cu ralbawi a rak si ve. Ralbawi sinak in nawlngeihnak a lak hnuah a ralbawi thuam aa phoih i PM a tuanmi a si. Thailand nih hin Myanmar ralhrang cu cozah ah kan pom a ti rih lo nain mipi nih teinak kan hmuh ding nakin MAH nih teinak hmu sehlaw ram uk seh ti a duh deuh ti a lang. Credit: The Chin Post

Be the first to comment

Leave a Reply

Your email address will not be published.


*