R.I.P : Phakanh Pengkulh Manah Khuabawi Meithal Kah Nakin A Nunnak Aliam.

Phakanh Pengkulh Manah Khuabawi Meithal Kah Nakin A Nunnak Aliam. Phakanh pengkulh, Manah khuabawipa cu nihin chunhnu suimilam 2 hrawngah min theihlomi hriamtlai phu hna meithal kah nakin a nunnak a liam tiah theih asi.

NLD party in khuate lei chairman riantlaitu pakhat simi U Tin Soe cu min theihlomi hriamtlai phu hnanih motor cung in an kah tiah a hmutu hna nih The 74 Media ah a chim. “A tu bantuk in an tuah mi hi, a tuahtu zong theih an si lo, motor pakhat a ra i …

minung pahnih nih meithal in ankah i a nunnak a liam colh, a thilchuak mizong kunza dawr ah thi lawngte aidil” tiah a chim chih. U Tin Soe hi meithal in voi riat tiang kah in anunnak a liam. U Tin Soe (kum-46) cu Manah khua ah Khuabawi kum nga hrawng a tuan cang mi asi. The 74 Media. The Chin Post

thawngpang dang : Chin State Kan Miphun Aiawh Kan Mp Hna le Miphundang MP Pawl Cuanhnak : A Tha Taktak

.”.Velhle Thiam Pawl Chin MPs !!Chin State Kan Miphun Aiawh Kan Mp Hna le Miphundang MP Pawl Cuanhnak:2020 Novembar thimnak hlan deuh ah khan cun miphun an dawttuk ah hin pumpaal in inn kip hmanhah caan ngei hna selaw an bel le kheeng tiang hmanh khin ttawl piak le thianhpiak pinah hmun hmanh phiah piak tiang khin a ngamh ding in an um tik ah cucu kan miphun nih kan rak thei ti lo in,aa hi nu cu,hi pa cu miphun a dawtuk lai,ram a dawtuk lai tiin ruahchanak nganpi he thimtlin an rak si.

Kan Miphun nih kan rak hman ngai mi cu,nungak kha nupi ca taktak i ngeih duhttung lemlo ah,nungak a titam ti kha uar in nungak cu,a tawi he a sang he a thau he a der he,aidawh he dawhlo he,kan dawttuk dahkaw tiin heh tiah helh a rak hmang mi an rak um len hna i,an halh a vawi a tam ahcun nungak zong nih a ka duh tak ve ko hlah maw tiin an par an ittawhter hna.

Tlangval nih an duh lemlo mi,vawikhat mitthit ruangah a duh ngaingai bantuk in aiumter i nungak kha nupa sinak a tuahpi,caan raulo i a thlai tuh mi cu a kheu i, nungak cu nuphung thei ti lo in nau an pawih hna.Nu nih cun,kawiceu,kawibik tibantuk khin an kawh han i,nau ka pawi,ka rak lawi lai tiah an ti hna.Sihmanhselaw,kawiceu le kawibik tibantuk nih cun,na ning a zaklo maw,nupi caah kan duh ttung lo na duh le hrawk,na duh le pawi ka fa zong a sibek lai loh tiah tiin mi fanu dawt ngaihchia in tuah a hmang mi miphun kan sinak kha an langhter i,mi fanu ngaihchia in an tuah theu tawn hna.

Cubantuk in Chinram MP pawl cu velhle an thiam taktak,an helhmi nungak nih nau a pawi le caangka in,ka fa a si pek lai loh,nupi ca taktak ahcun kan duh ttunglo tiin,Mizoram ,Aizawl ah an zaamtak diam ko hna .Cucaah nungak nau an pawiter mi cu ngaihchia lungrawk le lingleeng thlakaam in a run inn replo tangah rum le ai in khua an sakter cuahmah hna.Hibantuk tlangval cu,ka miphun hna na nutlawi i na nungak tthan tik le a nungak lio mi hna nih cun a velhle kha rak thei cang lawa mileem thiamnak aanka le tungtai rem ah khan na nungak thianhlimnak na par kha rak ttawhter ti hna lai ucih,lungfiim tein pasal ngeih i tiim law, a thiang thitumhnak kha ngeih rak izuam cang.

Miphun dang,Mon state Biilin bial i an MP thim tlin mi nu hna cu,zaam nemmam cu chim hlah uh, a miphun hriam tleihnak ah kalin a miphun ralkap cu a fonh hna i hriam a tlai huar ko cuteh.Hibantuk in State dang MP pawl zong an miphun ralkap sinah ifonh in an cawlcanghnak an umpi han i an sinte ah an thu an dir hna.HIbantuk MP hi kan miphun nih kan herh taktak mi hna an si.HI nu chinchap,MP nih hin a herhnak paoh ah nu rian le parian a thlu lo,a miphun harsatnak cu a thazaang he a tuahttuan bak,tleih le khih zong a cung tlung aikun pawi tinak a ngei lo.

Tleicia,Miroling,Pu Hrang Nawl le MP i a rak tlinpi mi,Chin MP zeimawzat hna kha cu,kan ram chungah,Ne Win nih nawlngeihnak a laak lio caan ah khan kan ram chungah um ngam ding an rak si ti lo,an rak kawl hna i an tleih manh mi an tleih hna lio ah khan,India ram ah khan an rak zaam i,zeidah an tuah?Chinram kha chanhchuah dingin hriam an rak tlai hna khah.Sihmanhselaw vanchit ah India le Burma kha ttangtti han kaw,Pu Hrang Nawl kha India CID nih an rak tleih i Burma ram ah an rak kuat.

Nikum kan MP thimthar pawl cua kawl zong an kawl han lo,hawihlan ah a tliik bakin an tli hna,an tliik ko zong ah mipi sinah forhfialnak awka zong ngeih lo,kan miphun ralkap ngeihchun sin zongah um lo,mahpumpaak himnak lawngbak ruat in an um ko mi le,Miphundang MP pawl an um tuning zohchun ah hin cun ing maw a puang deuh,ning dek a zak deuh.Tinduh Thang

Be the first to comment

Leave a Reply

Your email address will not be published.


*