R.I.P : Pu Cung Lian Thang Nih An Kan Thih Taak Hi Cu Apoi Tuk E

Kalay pengkulh ah penguk a rak tuan i Tidim penguk ah an thial than mi Pu Cung Lian Thang (kum 52) cu nizaan July 1, chunhnu suimilam 1 ah khan a nunnak a liam tiah Zalen thawngzamh nih an rak langhter. Pu Cung Lian Thang hi 2020 June thla in 2021 May thla tiang Kalay penguk rian a tuan mi a si i cu hnuah Tidim pengkulh ah penguk riantuan ding in an thial mi a si.

Pu Cung Lian Thang hi Covid-19 in a nunnak a liam mi a si tiah zong a chim mi an um, cun Non-CDM zong a si tiah Comment nak ah an langhter len.

thawngpang dang relchap : Kachin Ralkap KIA In Palik 3 An Kai
==========================
Kachin ramkulh Phakan zin , Kat Hmaw khua in peng 2 hrawng hla Taha Nyi Naung kiang Makaw La Yang ah kachin ralkap KIA cun ralkap kuthnuai ih hnatuan palik 3 an kai. June 30, zanlam nazi 4 hrawngah phakan lam feh mawtaw pakhat cu Kachin ralkap KIA in an rak cekih a sungah mipi menmen vek thuamhnaw hruh in palik 3 an to cu KIA in an kai ih an hruai cih. Kaihmi palik 3 hnenah meithal zun 3 le kut tuah bomb khal an kai tel.

Khuami pakhat cun “KIA in phakan zin cu an cek ringring lo. Veikhat veihnih an cek phah theu. Mani sun ah an cek cu mawtaw sungah palik 3 an rak to ih an kai. Palik pawl cu mipi menmen thuamhnaw an hruh nan, KIA in an theisuak ih an hruai cih” tiah a ti.

KIA in palik 3 an kaih thu cu ralkap lamin an theih veten KIA umnak hmun cu tuizing zinglam ah ralthuam picang hmangin vei 4 a kap zo. Asinan, phakan zin tluan ahcun doawk thawm kan thei hrih lo tiah khuami pawl hnenin theih a si. Crd: Vapual Auaw

Be the first to comment

Leave a Reply

Your email address will not be published.


*