R.I.P : Ralhrang rallokap nih a ke hliam he an tlaihmi KIA ralkap pakhat an thah

Ralhrang rallokap nih a ke hliam he an tlaihmi KIA ralkap pakhat an thah. June 5 Nampalun i kahnak ah ralhrang rallokap nih a ke hliam he an tlaihmi KIA ralkap pakhat cu an thah tiah amah he a naihniam mi nih an chim tiah NBung Dat Kasa – Kachin Multimedia nih a langhter.

“Amin cu Zaw Kun Aung asi,akum hi 19,an tlaih ti thawng theih sin khuanu khuapa hna nih an hlathlai tikah rallokap nih an thah cang,a ruak lak khawh asi rih lo tiah ” a langhter chap. The Chin Post

Thawngpang dang relchap : Karen Hriamtlai Bu 4 Cu Nihnih Chung Tonnak An Ngei, An Biachah Mi Le Remdaihnak Bu Kong

Karen hriamtlaibu hna kar ah i kahdohnak kong he pehtlaih in June 15 in 16 tiang KNU hmunpi Leiwa ah tuahmi Karen hriamtlaibu 4 ton pumhnak nih remdainak committee riantuantu bu nih tawlrel dingin hnatlaknak an ngei.

Ton pumhnak ah KNU in Chairman, Vice chairman, general secretary le KNLA army chief, BGF general secretary Col. Saw Chit Tu, DKBA in vice chief of staff Lt.General Saw Steel le KNU/KNLA-PC in asst.secretary Col. Saw Kyaw Nyut thit hruaimi palai hna an i tel tiah theih a si.

Hi kong he pehtlaih in committee chungtuan Padoh Saw Aung Maw Aye nih “kan kar ah i theihthiamnak a umnak dingah remdaihnak komiti chungin riantuantu bu kan ser. Mah komiti nih thla 3 voi 1 maw, thla 6 voi 1 maw caanhman tein kan in tong lai. Mah thawngin kan kar ah i hmuhthiam lonak a zor ter lai i, theihthiamnak zong a chuah pi deuh lai” tiah a chim.

Riantuantu bu hi KNLA, DKBA, KNU/KNLA-PC le BGF bu 4 in 5/7 cio he fonh a si i, KNU brigade pakhat in palai 3 cio an i tel ve lai.

Komiti ser mi kong he pehtlaih in Karen Peace Supporting Network- KPSN chimnak nawlngei Naw Wa Khu Shi nih “mah komiti riantuannak ah a tulio ralhrangbu le KNLA kar buainak, tlangcungmi hna cungah ralhrangbu calcanghnak kong a tel lo tikah hriamtlaibu kar remdaihnak lawng maw, a si lo ah hmunkhat tein doh ti ding maw ti fiang tein kan chim kho lo tiah a ti.

Ralhrangbu nih nawlngeihnak a lak hnuin KNU brigade 1, 3, 5 pathum chungah ralhrangbu he voi 100 leng i kahnak a chuah pin ah KNLA le BGF kar i kahnak ah kaphnih a thi mi le a hliammi zong tam ngai an um.

Karen hriamtlaibu remdaihnak komiti hi Karen hriamtlaibu hna karah kahdohnak a um lo nak ding le rit khawhmi thil doh ti nak ding caah Karen hriamtlai bu 5 nih chungtel 17 in 2013 may thla 28 ah rak dirh mi a si. Ref; KIC News

Be the first to comment

Leave a Reply

Your email address will not be published.


*