R.I.P : Ralzaam hna himnak hmunah a hruai hna lio ah a nunnak a liammi Bawino Si Phe Ruak Thlah Nak (+Hmanthlak Tampi)

Ralzaam hna himnak hmunah a hruai hna lio ah a nunnak a liammi Bawino Si Phe Ruak Thlah Nak Kayinni ramkulh ah ralzaam mipi hna humhim in himnak hmun ah a kalpi hna lio ah ralhrang kut in June 11 ah a nunnak a liammi Kayinni ralkap Bawino Si Phe ruak cu nihin June 14 ah vuinak an tuah. Photo – Kantarawaddy Times

thawngpang dang : Lairam Buainak Ruangah Miphun Dang An Ra Lai Lo Ram Mipi Nih Kan Doh Let A Hau

Kan Ram Buainak Ruangah US Le UN Ralkap An Ra Lai Lo Ram Mi Nih Kan Doh Let A Hau Cang. CNA/F Chairman a t’uan cuahmah mi Pu Zing Cung nih cun kan ram tualchung buaibainak ruangah ramdang mi nih zeitik hmanh ah an kan fim tawl in an kan tawlrel piak lai lo.US le UN ralkap hna zong nih Kawl cozah ralkap kongah zei hmanh t’uanvo an la taktak lai lo.ram mipi nih kawl cozah ralkap cu kan doh let ve hna awk a si tiah a chim.

Mipi nih Kawlram cozah ralkap hna kut in UN nih a kan chanh lai tiah a ruat cang mi tampi an um.cucu a hman lo mi a si.kawl cozah ralkap hna cu ram mipi nih kan doh let ve hna lo a si ah cun US le UN telh in ram dang mi hna cu rinh awk thil a si lo.ram dang ralkap nih kawlram mipi chanhchuah dingah kawlram ah cun zei tik hmanh an an rak ra in mipi an chanh lai lo.

Kawlram buaibainak cu a ram neitu mipi hna nih an tawlrel awk a si.Kawl ralkap cozah doh let khawh nak ding caah Tlangcung hriamnam tlai phu vialte hna kan i lungrual a herh pin ah cucu ram mipi vialte hna nih dirkamh in a zei lei paoh in support bu in hmunkhat teah Mipi le Tlangcung hriamtlai phu hna nih kan doh let ve hna awk a si cang.

AA, Arakan army ralkap hna nih cun kawl cozah ralkap Tatmadaw pawl hna nih mipi hriamnam zei hmanh a nei lo mi hna cungah an hriamnam an hman ning le an cawlcangh ning cu kan mit a kem tuk cang.Cucaah kan nih AA zong nih kan zoh sawhsawh ti hna lai lo.tutan kawlram tualchung buaibainak kongah kan nih AA nih hriamnam kan hman rih lo caah ram mipi a dirkamh lotu kan si lo.Zeitik paoh ah ram mipi a dirkamhtu kan si tiah a chim.

KNU,Keran Army general nih cun kawl cozah ralkap le palek hna lak ah mi t’ha le dinfelnak a dirkamhtu tampi an um ve ko ti cu kan theih dih hna.Cunglei nih tuah uh tiah nawl an pek mi hna t’ih ruangah mipi zei sualnak a nei lo mi nun nak an va lak t’hiam rih ti zong kan theih.Cucaah mipi that ding le harsat nak pe dingin nawlpetu Kawl ralbawizik hna le Palek bawizik hna cu a ran nak in thah khawh kan i zuam awk a si cang tiah a chim ve. Credit:Joseph Malsawmkunga Pa

Be the first to comment

Leave a Reply

Your email address will not be published.


*