R.I.P : Rev.James San Thawm Thang Nih A Kan Liam Tak Than E A Poi Hringhran Ko Mu

Apoi tuk hringhran e. Tu lio kan ram buai si Covid-19 zawtnak bia tak tein a karh si apoi hringhran ko mu, Covid-19 zawtnak in nai hrawng cu Chinmi Pastor pawl an nunnak a liam mi thawng kan van theih tik ah kan lung a rak ttha hrimhrim loh. Tu tan zongah, ” Rev.James San Thawm Thang-Kum 43(GBC Pastor) cu Covid in Kalay ah June 13,zaan suimilam 9:50PM ah a nunnak a liam.” than a poi hringhran ko mu tan tak mi chungkhar Bawipa tu nih hnem hram ko hna seh. The Chin Post

Thawgpang dang : Dawtnak Hmual (CDF-Mindat chungtel pakhat nih a tak in a tonmi)A tanglei ca hi rel tikah lungthin a hno, mitthli a hai

Dawtnak Hmual (CDF-Mindat chungtel pakhat nih a tak in a tonmi)A tanglei ca hi rel tikah lungthin a hno, mitthli a hai. Zeitlukindah dawtnak hmual hi a thawn ti zong a langhter. CDF-Mindat chungtel pakhat nih a tak in a tonmi a si. Amah tialning tein ka vun leh.Ralhrang hna sinin an zam tiah ruahmi ralkap cheukhat kan tlaih hna hi thla khat hrawng a si cang.

Kan vua hna lo i hri zongin kan khit fawn hna lo. Zalong tein kan umter hna pinah ti le rawl tha tein kan pek hna.Asinain cawngtu cu kan chiah ve hna. Kuak le khawngzi zong kan si khawh tawk in kan damh piak hna. Cuticun kan sin an phak in zarhnak hrawngah Chi Chawng i CDF pawl cu Kanpetlet lei i raldoh kan kalnak ah ralhmai hmun thum in karceh kan tong i hnu kan tolh.

Cutikah khuami dihlak, tar in ngakchia tiang ralhrang hna tih ruangah an zam dih. Kan sinah a ummi ralhrang in a zammi hna zong cu kenzawi awk an that ti lo caah kan ngeihchun tangka chuah in minung pakhat ah 50000 cio kan pek hna i kan kalter hna. An mithmai cu a nuam lo ngai ti a lang.Cuticun hnu kan tolh i khua pakhat pawng i hmunhma kan lak lioah kan kaltermi hna kha kan hmuh than hna.

Ngakchia a puami an um, thiltom a pumi an um, meithal aa putmi an um, anmah nih cun khuami a zammi hna kha lam an hruai hna.Kan khuaruah a har tuk. Nan tlung rih lo maw tiah ka hal hna i “Ti le rawl an kan petu khua cu mahti men in kan kaltak kho hna lo, a himnak hmun an phak tikah kan tlung te lai” tiah an ka leh.Cu bia ka theih tikah ka ngakchia lio i ka zoh balmi Vietnam ral muicawl (movie) pakhat ka lungah a hung chuak. Lemcang (Minta) cu Arnold a si rua ka ti.

Vietnam lei a doh cuahmahmi US Marine ralkap pakhat nih amah a chanhtu Vietnam khua pakhat a chanh thannak muicawl a si.Dawtnak cu a kir than timi hi ka zumh. A hnu ah anmah theihternak ka rak tuah te lai. An kut chungah an meithal taktak kha tlaihter thannak caan a hla ti lo. Credit: The Chin Post

Be the first to comment

Leave a Reply

Your email address will not be published.


*