R.I.P : Saya Thawng Za Sang (Physics chimtu) nih An kan Thih Tak ve E

Laimi chung in Physics Saya kan ngeih mi Saya Thawng Za Sang nih Nizaan July 4, 2021, zaanlei suimilam 6:40PM (Kawlram caan) ah hi vawlei nunnak in an kan liam tak tiah kan theih cu kan lung a nuam hrimhrim lo.

Saya Thawng Za Sang hi Physics a thiam ngai mi asi i Kalaymyo, Private sianginn pawl zong ah Physics chimh ding in an hlan lengmang mi, Kalay Private Sianginn tampi ah Physics a chim tu hna saya a si. Atu bantuk in a nunnak a liam cu mino, siangngakchia caah sungh zatlak ngan taktak, miphun nih mifim cathiam pakhat kan sungh a si ko.

Covid zawtnak nih Laimi tampi an kan thah cang, a bik in Kalay, Tahan hrawng ah Laimi tampi an nunnak a liam cang. A bik in Pathian rianttuan, mifim cathiam le Chin mi nih kan bochan mi hna tampi nih an kan liam tak cang. Nizaan lawng ah Kalay Khrihfa Thlanmual ah Ruak (16) voi tthan asi tiah an chim. Nitin te in mithi 10-20 karlak peng an si nak caan hi a sau pah cang ko. Kan ram a damnak ding, Covid zawtnak kan tei khawhnak ding ah Pathian sin ah fak pi in thlacam cio hna usih.

Saya Pa Sang nih a tantak mi chungkhar cingla rualchan dihlak Pathian nih hnem hram hna seh mu.

Be the first to comment

Leave a Reply

Your email address will not be published.


*