R.I.P : Sualnak Ngei Lo Mipa Pakhat Ralkap Nih An Kah That

Ko Aung Min Thu meithal i kah a tong. Hsipaw i a ummi Ko Aung Min Thu cu ralkap nih meithal in a kah tiah thei a si. Ko Aung Min Thu hi motorcycle a cit lio ralkap nih meithal i a kah hi a si. Aung Min Thu cu Hsipaw Township, Northern Shan State, ah ralkap nih an kahnak a fak tuk caah a hliam hma cu tuar kho ti loin a thi tiah thei a si. Ko Aung Min Thu, hi Myanma Ward Office.

Hsipaw Town pawng ah bike a cit i ralkap nih cu ka ah cun meithal in an kah i an that hi a si. Hi Ko Aung Min Thu ralkap nih an kah that hi June 23 at 9 pm ah khan a si. A mah hi nupi le fa ngei a si. Relchap – Chinland FC nih Chin Ramkulh COVID-19 runvennak ca ah bawmhnak a pek lai. Chinland FC nih Chin Ramkulh chung ah atulio COVID-19 zawtnak a karh cuahmah mi runvennak ca ah bawmhnak a pek lai tiah kan theih.

A rauhhlan ah Hakha le Thantlang ah bawmhnak pek ding in timhlamhnak kan ngei,” tiah Chinland FC Chairman NC Thawng Tha Thang @ Saya TT nih The Hakha Times ah a chim. Chinland FC nih nihin June 23 ah Kalaymyo Peng Tahan ah COVID-19 runvennak ca ah Chinland FC ngeitu Bishop CK No Chhum le Chairman NC Thawng Tha Thawng chungkhar nih Oxygen Concentrator 2, PPE zuun 100.

Face-Shield 100, KN 95 Mask 100, COVID-19 Antigen Test Kit le puan bawmhnak an pek. Cun, Chin Ramkulh Cikha khua le Kalaymyo ah a um mi mizapi hna COVID-19 zawtnak in an i runven khawh nakhnga a herh mi thilri tete zong an bawmh cang hna. Cun, Chin Ramkulh chung ah COVID-19 zawtnak i runvennak thilri zong a rauhhhlan ah bawmhnak an pek than lai tiah kan theih. Ref – THT

Be the first to comment

Leave a Reply

Your email address will not be published.


*