R.I.P : Thantlang-Hakha kar ah Truck aa Let, a Mongtu Nunnak Liam

Thantlang-Hakha kar ah Truck aa Let, a Mongtu Nunnak Liam
————–
Thantlang-Hakha karlak (Mengtung 17/5) Thang Hrim sia zuatnak ah Ke-12 Truck aa let i, motor mongtu a nunnak a liam, tiah thawng kan theih. Aa letmi ke-12 Truck hi Pakoku lei in a rak kaimi a si.

A mongtu cu a nunnak a liam i, ahnuzul pa hi hliamhma a put caah Hakha sizung ah an kalpi. A nunnak a liammi motor mongtu chungkhar an pehtlaih khawh lo caah a ruak zeitindah kan tawlrel lai timi an tuaktaan cuahmah lio a si. The Chin Journal

Thawngpang dang : Nay Pyi Taw Council Chairman Dr. Myo Aung Sihni Ralhrangbu nih an Tlaih

Nay Pyi Taw Council Chairman Dr. Myo Aung Sihni Ralhrangbu nih an Tlaih, Ralhrangbu nih nawlngeihnak an lak hnuah tlaihmi ah a tel ve mi Nay Pyi Taw Council Chairman Dr. Myo Aung caah dirkamhtu Sihni U Thein Hlaing Thun cu nizaan biaceihnak dih in ralhrangbu nih pohmah 505(A) in an tlaih.

Mah kong he pehtlaih in U Thein Hlaing Thun he nizaan ah biaceihnak ah a kal tti mi Daw Aung San Suu Kyi, U Win Myint le Dr. Myo Aung sihni pawl nih fehter nak an ngei.

“Mah kong he pehtlaih in mi kan tlawm deuh cang. An mah buainak he direct in pehtlaihnak a ngei mi cu a si lo. Amah chim ningah Dagon Seikkan ah 505(A) in a ti. Palek nih an chim mi cungah a inn lei chim piak ding phone numbar a ka pek pah in a chim mi a si. Mah lawng ka theih” tiah nizaan biaceihnak ah a kal ve mi Sihni U Khin Maung Zaw nih a chim.

Dr. Myo Aung hi Daw Aung San Suu Kyi le U Win Myint bantukin ‘ram hmai a chiatter tu- pohmah 505(B)’ he biaceih lio mi a si. thechinpost

Be the first to comment

Leave a Reply

Your email address will not be published.


*