R.I.P : Van Lal Cuan Na Chan A Tawi Tuk , Kan In Siang Rih Hrim Lo E

A nih hi mino kum 38 upa asi I Pyin Oo Lwin Falam Pawlpi ah Secretary dirhmun ah miphun caah rian pek cang mi asi. Tu zing july ni 6 zing suimilam 5:15 ah khan mual a kan liam tak tiah theih asi. Pyin Oo Lwin Falam Pawlpi ah Secretary dinhmun in miphun rak rian dah zotu Pa Van Lal Cuan @ Vaval (kum 38) in tuini July 6 zinglam suimilam 5:15 ah mual in liamsan. Crd: may myo moon

thawngpang dang : Breaking News || Thantlang Ah Da-laan Tiah Ruahmi Pakhat An Thah

Tu lio kan ram dothlennak ah hnahonk bik tu le tih nung bik tiah ruahmi cu ralkap sinah a thli tein bia thli thup chim hmang mi Dalan pawl hi an si. Cu caah cun mi cheukhat hna nih cun ralhrang pawl thianh hlanah Dalan pawl hi kan thianh hmasa hna an hau ti zongah a chim mi an um len. Cheukhat pengtlang hna le bangah cun Dalan pawl that tu dingah minung tiangin an i thim i cu tin mi an hlat hlai ter len hna ti zong theih a si.

Bia fiang an theih bak ah cun ralkap sin i bia thli thup chim hmang mi Dalan pawl cu mi zei an si ah thah colh an phu tiah bia a um i Dalan thah a tuar timi kong zong theih ding a um ngai cang. Cu caah kan Chinram bak zongah Dalan tiah ruahmi mi pakhat cu cu lampi lamlai bakah thah a tuar.

A hmun cu Thantlang TABC lam pial ah a si i a that tu hi mi zeidah a si timi cu theih a si rih lo. Khuachung mi pakhat nih cun July 5 zaan nazi 3 hrawngah a si i chaklei khin rak dawi hna seh law a lo. Motorcycle ai cit lio ah TABC lam pial ah meithal in an kah tiah The Hakha Times ah a chim.

Buainak a chuah hnu caan rau lo teah khin Ambulance cun an phurh i palik nih a ruak zoh felnak an ngei lai tiah khuami pakhat nih cun a chim. Amah hi Thantlang palik a si tiah thawngpang chim mi an um len.

Be the first to comment

Leave a Reply

Your email address will not be published.


*