Ralhraang Pawl Dohnak Caah PDF Sii Lei Ralkap Dirh A Si Cang

Ralhraang Pawl Dohnak Caah PDF Sii Lei Ralkap Dirh A Si Cang

Min Aung Hlaing te phu uknak a hram in phonghnak ding i dohdaalnak (revolution) caah a herhmi People’s Defense Force Madecal Team an dirh cang. Harnak tampi lak ah timhlamhnak le training peknak a hung dih hna ah ralhraang dohnak ah a herhmi Medical Team pakhat kan dirh khawh cang, a dang dang hna ca zongah Medical Team dirh kho ding in kan i zuam cuahmah tiah PDF Medical Team nih an chim.

A tu bantuk in kan ram le kan mipi hna nih ralhraang uknak tang in kan luat khawhnak hnga tiin ralhraang kan dohnak ah hin phaisa cu herh bikmi a si caah bawmhnak pek a duhmi hna nih kan facebook page cung in pehtlaihnak tuah khawh kan si tiah Hlaing Generations Z facebook page cungah thawngthanhnak an tuah.

National Unity Government in defense vuanci zung lei zong nih a luan ciami August ni 12, kum 2021 ah khan ralhraang dohnak caah American Dollar 5 millions man simi Faffile Ticket zong a zuar, Myanmar ram chungah a luan ciami February ni 1, kum 2021 thok in Min Aung Hlaing te phu nih ningcang loin uknak le nawl neihnak an laakmi dohnak cu thla 6 leng a hung liam cang.

Mah thla 6 chungah hin tlaih tongmi, hrem tongmi, thongthlaak tongmi le thah tongmi tampi an um cang, khat le ah mipi vengtu ralkap hna le tlangcung hriamtlai phu hna he kah dohnak in an mah ralhraang zong tam tak tak an thi ve cang. AAPP nih an thanh ning ah cun ralhraang kahnak in a thimi 1000 leng an si cang.

Thawngdang
Palik Pakhat Meithal, Zenthong, Sui Le Phaisa Kyat Ting 490 He A Zaam

Sagaing ramttgen, Yinmabin khua myoma palik zung in ssn 2 simi palik Zaw Min Win (private number 197218) cu tuni August ni 20, kum 2021 chun suimilam 12:00PM hrawngah khan BA63 (F-072732) meithal, zenthong 120, phaisa Kyat ting 490 le Sui cuai 12 he a zaam tiah thawngpaang theih a si.

Palik Zaw Min Win nih aa zaam pimi thilri pawl hna hi a luan ciami August ni 10 lio ah Yinmabin palik pawl nih Monywa-Gangaw-Kalay motor lam cungah mi an rak chek hnanak ah minung pa 2 hna sin in an rak tlaihmi pawl an si, khoika hmun ah dah a zaam timi kong he pehtlai in zei hmanh theih khawh si rih lo.

The 24seven

Be the first to comment

Leave a Reply

Your email address will not be published.


*