Ralhrang Hruaitu Thihnak(Lemcang ) Vedio Ruang Ah Nu Pathum Pyi (ျပည္) Ah Tlaih An Tong

Ralhrang Hruaitu Thihnak(Lemcang ) Vedio Ruang Ah Nu Pathum Pyi (ျပည္) Ah Tlaih An Tong. Ralhrang hna hruaitu thihnak ,ngaihchiatnak lemcang in lamzawhnak vedio pakhat chung ah na tel ve tiah Pyi khua ah nu pathum July 4 zinglei ah an tlaih hna tiah khuami nih an chim.

Min Aung Hlaing chuahni July 3 ah ralhrang rallokap phu hna hruaitu a thi cang tiah ngaihchiatnak lemcang in lamzawh mi vedio cu facebook chungah a langh ngai caah, cuchung i aa tel ve mi nu pathum cu tlaihkhih an tong.Pyi khua, Puinh Hlating Kung(ပြင့္လွသိမ္ကုန္း)sang ah ummi Daw Thanda Lyin( kum-37) cu a umnak inn ah an tlaih,a dang pahnih an min le umnak cu theih asi rih lo.

Cu vedio cu nawlngaihnak latu ralhrang lei nih thlak mi vedio asi, July3 ah facebook cungah tar misi tiah Daw Thanda Lyin he aa pehtlai mi chungkhar pakhat nih a chim. Facebook ah an tar mi vedio file a tang zong ah an post mi hnawh/ delete than ding in le vedio chung aa tel mi hna kha harnak kan in pek hna lai tiah tlerhkhonh nak comment tialmi zong a um. #RFA. The Chin Post

Be the first to comment

Leave a Reply

Your email address will not be published.


*