Ralhrang Nih Khuami An Luhhnawh Hna Minung 100 Renglo An Tlaih An Inn Lo An Hrawh Dih

Ralhrang Nih Khuami An Luhhnawh Hna Minung 100 Renglo An Tlaih An Inn Lo An Hrawh Dih

 

Ayardaw(အရာတော်) peng, Cuaipagan(ကြွေပုဂံ) khua ah ralhrang phu hna nih luhhnawh in mipi 100 renglo an tlaih hna, an inn zong an hrawh piak hna

 

Sagaing ramthen, Ayardaw peng Cuaipagan(ကြွေပုဂံ) khua ah nihin August 25, ni ah ralhrang phu minung 200 hrawng nih luhhnawh in mipi minung 100 hrawng an tlaih hna , an inn zong an hrawh piak hna tiah khuami hna nih Yangon Khit Thit Media ah an chim.

 

” Nihin zinglei suimilam 1:30 hrawng ah Ayardaw lei in ralhrang motor 2 le Zayit lei in ralhrang motor 5 he Cuaipagan (ကြွေပုဂံ) khua ah an phan.Zinglei suimilam 3:30 ah khuachung ah lut in hlathlainak le mi tlaihnak an tuah.Khua chung mi pyusawthi phu minung 5 cu ralhrang phu sin ah training kai in ralhrang motor 7 he khua ah an rak phan.

 

Ayardaw lei in ralhrang motor 2 cu Kantar (ကံသာ) lei ah an dir i, Cuaipagan (ကြွေပုဂံ) khua ah ralhrang phu hna cu kee in an phan, khuachung mi hna cu an tlik zaam nak ah ,ramlak tiang in ralhrang phu nih kawl in an tlaih hna, kaphnih in luhhnawh an si caah a tli zaam mi, khuachung mi tampi cu tlaihkhih an si” tiah khuami pakhat nih a chim.

 

Cuaipagan (ကြွေပုဂံ)khua cu inn 200 hrawng um nak khua a si i milu 1000 leng an um, atu ah an pawngkam le hmundang ah khuami hna cu an tli zaam hna tiah theih a si.

 

” SAC ralhrang phu hna cu khuachung ah an um rih, hlathlainak an tuah cuahmah rih, ramkhel lei ah a cawlcang mi hna um nak inn cu hlathlai nak an tuah, Awng Khine inn zong an hawh piak dih, an hmuh mi thilri an hrawh dih, facang zong vawlei ah an vorh dih, ngan dam lo mi hna tel in minung 100 hrawng an tlaih hna” tiah khuami pakhat nih a chim.

 

Kayah ah rallokap nih hmunhma an khuar caah kahdohnak a chuak, ralzaam harnak an tong

 

Rallokap Tat- Mah 55 thazaang 100 hrawng cu Kayah ramkulh ,Loikaw peng Loi Lyin Lay khua nichuah lei Kone Suot le Kyot Kyi khua kar ah hmunhma an lak ruang ah kahdohnak a chuah hi a si.

 

Rallokap Tat- Mah 55 thazaang 100 hrawng cu Kayah ramkulh ,Loikaw peng Loi Lyin Lay khua nichuah lei Kone Suot le Kyot Kyi khua kar ah hmunhma an lak ruang ah kahdohnak a chuah hi a si.

 

August 23 ni zong ah khua chung ah rallokap hna cu an phan i khuachung inn le lo hna cu an bauh i khuapawng kam lo hna ah aa dor mi hna zong an tuk an velh hna tiah ca thanh chung ah aa tel.

 

Kayah ramkulh ah a cang mi kahdohnak ruang ah Loi Lyin myo hmailei um khuami mipi 8000 leng cu a himnak hmun ah an zaam dih i tuni tiang in khua chung an lut ngam rih lo.

 

Loikaw peng hrawng cu rallokap hna hmunhma an rak khuar caah Covid mizaw hna tel in minung 2000 leng an umnak hmun cu kahdohnak ruang ah hmundang ah i thial than ding dir hmun ah an um tiah theih a si.

 

Mah leng ah tulio Loikaw lei kal nak lam cu an phih ruang h mizaw hna caah sii cawk nak a har bantukin ralzaam hna caah eidin lei aj har nak an tong tiang ralzaam um nak hmun ah mizaw a zoh khenh tu siibawi pakhat nih a chim.

 

“Tuni thawng kan theih nak ahcun rallokap hna nih Loikaw luhnak hna cu an phih dih tiah theih a si.An phih tik ah a poi bik nak cu Covid chek nak kan tuah. Zing ah voikhat zan ah voikhat PPE level 3 he kan lut.Mah ah cun level 3 cu duh sah tein a tlawm deuh deuh. Cun Cumpi le khuh in a zaw mi hna cu sii kan pek hna .Sii zong duhsah tein a dih thluahmah. Sii cah ding te te zong kan ngei. Loikaw ah cun kan herh mi sii zong hi a um ti lo.Yangon le Tuangkyi hna ah cah ding an si. Kahdoh nak a um i lam an phih dih caah caan a sau deuh deuh Kan har deudeuh tiah a chim.

 

Ralzam umnak hmun ahhin Covid -19 mizaw minung 57 an um i siizung in a tum cang mi hi minung 7 an si tiah siibawi pa nih cun a chim.

 

Kaya ramkulh ah a cang mi kahdoh nak ruang ah Kayah ramkulh chung ah ralzaam minung 120000 leng an um i mah chung ah a cheukhat ralzaam an um nak hmun cu Covid – 19 zawtnak a chawn mi hna an um.

 

The Chin Post

Be the first to comment

Leave a Reply

Your email address will not be published.


*