Ralhrang Nih KIA Le PDF Tih Ah Meithal Puah Thlorh In An Puah

Ralhrang Nih KIA Le PDF Tih Ah Meithal Puah Thlorh In An Puah

August 15

Kachin ramkulh, Winemaw khua um ralhrang nih khuachung ah meithal puah thlorh in an puah, an thil tuahmi cu ralhrang nih tihnak an ngeih caah asi tiah khuami sin in kan theih.

“Zan sml 7:30 in puah thawng kan theih cang, an tih ruangah an puah mi si” tiah Winemaw khuami pakhat nih August 15 zan thil sining a chim.

Ralhrang hna cu Winemaw khuachung ah an um, a luan cia July 29 ah KIA le PDF nih an kah hna caah tampi an sung tiah kan theih.

” Tu zanlei sml 3:00 hrawngah an cawlcang, 80 hrawng an si, Washaung lamtonnak ah chikhat an i din, a muih tiang ah an kal rihlo” tiah khuami pakhat nih a chim.

KIA le PDF nih ralhrang hna an kah hna i, a thi mi an um pin ah an hriam an lak khawh caah ralhrang cheukhat an hlathlai hna tiah thawngpang a um.

Ralhrang sakhan pawng ummi hna cu ralhrang nih an thial ter hna i,ralhrang thazang an chap hna tiah khuami sin in kan theih.

Ref: Mizzima

Be the first to comment

Leave a Reply

Your email address will not be published.


*