Ralhrang phu nih umhmun an khuarnak sianginn pawng ah a kal mi meithal in an kah

Ralhrang phu nih umhmun an khuarnak sianginn pawng ah a kal mi meithal in an kah

 

Ralhrang phu nih umhmun an khuarnak sianginn pawng ah a kal mi meithal in an kah Mandalay ramthen, Mukoh khua ah August 24 ni zinglei suimilam 10:00 hrawngah ralhrang phu hna umhmun an khuarnak hmun Awng Chain Tar sianginn pawng ah a kal mi, minung pakhat cu ralhrang nih meithal in an kah caah a kee ah meithal hliam a tuar tiah khuami hna nih an chim.

 

“Zinglei ah meithal puahthawng voi thum theih a si, an puah hramhram, chun zong ah an hriam he mi an hngak, zaan fa tin an um” tiah khuami pakhat nih a chim.

 

Ralhrang phu hna nih umhmun an khuarnak hmun Awng Chain Tar sianginn ah August 13 ni ah bomb pahnih a puak, minung pathum an nunnak a liam leng ah hliam tuar mi zong an um caah atu bantukin kah nak an tuah hi a si kho tiah khuami hna nih an chim.

 

” An pawngkam in mi zeihmanh an i chawk ngam lo, Awng Chain Tar dawr lei ah kal mi poh a ruang um lo in an kah hna ,zaan fa tin te an hriam he mi an hngak” tiah khuami pakhat nih a chim.

 

Kee ah meithal kuan in hliam a tuar mi khua mi pakhat cu a nun himnak caah phan ding a um lo sii conghhramh lio a si, ralhrang phu hna nih Awng Chain Tar sang chung ah meithal in chawhvah nak an tuah tiah theih a si.

 

D-Day Bantukin Thawng An Chuahter BGF Hmang In Kayin Ah Kahdohnak An Ser

 

Atu ah D-Day bantukin thawng an chuahter,anmah lei nih kahdohnak ah kahdoh ning lam an sial, ralhrang phu hna nih lam an sial ning ah anmah lawng si lo in BGF phu hna hmang in Kayin anmah le mah kahdohnak phun an ser

 

(KNU) kuttang brigade cheukhat hna hmunhma ah ralhrang phu hna nih cawlcanghnak fak deuh in an tuah caah atu lio ah kahdohnak pehtlai in a chuak.

 

Brigade 5 hmunhma KNU Mutaw(Phapun) pengkomh biachimnak nawlngeitu Pa Do Man Man (ပဒိုမန်းမန်း) nih vawlei ah a cang mi thil sining fiang tein a chim kho rih lo nain atu ah ralhrang phu chungtel hna cu brigade 5 ah raltuk nak ding ah a hlankanh in timhtuahnak an ngei, ralhrang minung thazaang an chap tiah a chim.

 

Cu biachim tu nih cun” atu hi D-Day tiah thawngpang a chuak mi hi, anmah lei in kahdohnak ding caah kahdoh ning cang lam an chiah, cu an thil tuah mi kong ah anmah ralhrang phu lawng si lo in BGF hna cu au in Kayin miphun anmah le mah an i kap ti phun in lam an sial” tiah a chim.

 

Brigade 5 cu mipi vengtu ralkap (PDF) phu hna le ralhrang uknak duh lo cawlcanghnak ah a tel mi (CDM) lut mi hna cu dornak an pek hna caah ralhrang phu hna nih kahdoh ding in timhtuah nak an ngeih hi a si tiah Pa Do Man Man(ပဒိုမန်းမန်း) nih cun a chim.

 

Ralhrang phu hna le Kayin ramkulh ramri hngak (BGF) phu hna nih August 24 zinglei ah Kayin ramkulh,Phapun pengkomh chungah ralhrang minung thazaang chap nak an tuah,

BGF phu hna nih Metawoa(မဲသဝေါ) khua lei ah phan in KNU brigade 5 hmunhma lei ah an kal tiah Kayin thawngzamhnak pakhat si mi Salween Press nih a langhter.

 

KNLA ralbawi Buchohgyi Saw Jaw Ni lei leKayin an mah le mah kar kahdohnak a um lo nak ding ah biaruah nak a um caah BGF lei nih KNU le kahdohnak a um lo tiah Buhmu Saw Tin Win nih a chim

 

KNU lei thawngthanhnak ning ah August 1 in 20 tiang ah ralhrang phu kuttang phu hna le KNU kuttang brigade hna kar ah kahdohnak voi 81 a cang tiah theih a si..

 

Cu kahdohnak chung ahcun brigade 5 he kahdohnak voi 61, brigade 1 he kahdohnak voi 16, brigade 3/2 he kahdohnak voi 2 a chuak tiah theih a si.Kahdohnak a chuak mi chung in KNU brigade 5 he voi tambik kahdohnak a chuak i brigade 1 he a pahnihnak a tambik kahdohnak a chuah nak hmun a si.

 

The Chin Post

Be the first to comment

Leave a Reply

Your email address will not be published.


*