Ralhrang Rallokap Nih CDM Sayamah Te Inn Ah An Luh Hnawh I, An Thil Tuah Cu Fih Nung Taktak Si A Poi Ko Aw

Ralhrang Rallokap Nih CDM Sayamah Inn An Luh Hnawh I,Tangka Sing 22 An Fir.. Nihin (May 31)ah Kalaymyo pawng Tasi khua CDM Sayamah inn ah rallokap phu hna nih a thilri checkhlat nak an tuah tangka sing 22 an fir piak tiah theih a si.

Cu tangka cu anau nu nih chikhat a ka fimter chungmi a si tiah a tahpah in a chim. Sayamah nu zong cu a inn ah um ngamlo in a zam . Tasi khua ah zingka in tutiang ralhrang rallokap phu hna le mipi vengtu phu kar kahdohnak a dai rih lo . The Chin Post

thawngpang dang relchap : Good News: PDF le KIA an i bawm cang, Ralkap (10) leng An Thah Hna

People Defense Force – Katha le KIA ralkap i bawm in nihin lawng ah Ralkap (10) leng kan thah hna tiah PDF lei nih an chim. Sagain ramthen, Katha pengkulh chung ah KIA ralkap hna le PDF-Katha hna i bawm in ralkap an doh hna hi asi.

Nizaan raldohnak lawng ah Ralkap lei minung(10) an thi, PDF pasaltha pakhat nih a nunnak a pek ve tiah PDF-Katha chungtel pakhat nih RFA sin ah a chim hi asi. May 30, 2021 zaanlei suimilam pakhat hrawng ah Katha-Bamaw karlak motor lam, Moetha le Hayna khuate pawng ah kahnak a chuak tiah PDF pakhat nih a chim hi asi.

“Zaanlei suimilam 1:00PM hrawng in kahnak aa thok hi a si. PDF-Katha cu KIA nih an rak kan bomh colh. Ralkap lei hi a tlawmbik ah minung 100 cu an si lai. Miakpi, bomb ti bantuk hriamnam pical tampi an hman. Zaanlei suimilam 4PM tiang hrawng kan i kap i Ralkap lei (10) leng an thi, PDF pasaltha pakhat nih a nunnak a pek ve” tiah a chim hi asi.

KIA pawl hi an mah Kachin ram lawng ah si ti loin Sagain ramthen tiang an rak phak hi cu thawngpang tha a si ko, khuapi kip ah cawlcangh an i timh cang bia zong a si kho mi asi.

Be the first to comment

Leave a Reply

Your email address will not be published.


*