Ralhrang Rallokap Nih Tlaihmi Letpanchaung mi pahnih an umnak theih asi lo

Ralhrang Rallokap Nih Tlaihmi Letpanchaung mi pahnih an umnak theih asi lo. Letpanchaung mi pahnih ralhrang nih an tlaihmi hna cu zarhnih tiang ah an umnak theih asi lo. Letpanchaung mi Salai Tun Tun -29 le Salai Thang Thang kum 23 cu June 16 ah ralhrang nih an tlaih hna i nihin tiang an umnak theih asi rih lo.

Salai Tun Tun hi Falam peng Waibula ah tlakrawn rual a tuan i a tupa Salai Thang Thang nih June 16 ah saikel in a va dom,Kalay lei panh in an kir lei ah ralhrang nih an tlaih hna. Tun Tun cu fa pathum nei asi i an tlaih ni ahhin inn lei phone a chawnh ko hna nain an umnak cu tutiang theih asi lo. The Chin Post

thawngpang dang relchap : Nihin June 26 Cu Kawl Cozah ralkap nih Chin Pasaltha Salai Tin Maung Oo an thah kum 45 a tlinni asi caah a tuanbia tawi kan hun tar

Nihin June 26 Cu Kawl Cozah ralkap nih Chin Pasaltha Salai Tin Maung Oo an thah kum 45 a tlinni asi caah a tuanbia tawi kan hun tar. Salai Tin Maung Oo cu Pu Mya Din le Pi Hnin Myaing hna i an fapa upa bik a si i 1951 ah Asho Chin Taung Ngu Khua ah a chuak.

1. December 5, 1972 kum ah ralkap uk duhlonak a cawlcangh pi hna ruangah Yangon Inn Sein thong inn ah Kawl cozah ralkap nih thong an thlak. 2. 1974 ah Chin Literature and culture committee, Yangon ah Secretary a t’uan.
3. July 6, 1974 ah general workers pawl nih covo right an hmuh khawh nakhnga caah lam a zawh pi hna.

4. December5, 1974 ah UN secretary general U Thant cu Kawl cozah ralkap nih a chuakkehnak Kawlram ah ruakvui an duh lo caah Salai Tin Maung Oo nih Kawlram Students pawl a hruai hna i U Thant ruak Kawlram vui ding ah lam a zawh pi hna. 7. 1975 march thla ah Cozah ralkap nih tlaih an timh peng caah Thailand ramri ah a thlithup in a zaam. Ahnu ah Kawlram ah a kir t’han.

8. June 6, 19 75 ah a voi 2 nak General workers pawl nih covo right an ngah khawh nakhnga caah lam a zawh pi rih hna. 9. 1975 July thla ah Kawl ralkap nih tlaih an timh than caah Thailand ram ramri ah a zaam than. A hnu ah Kawlram cozah doh dingin Kawlram ah a kir than.

10. March22, 1976 ah Kawlram Journalist, Politician le catialthiam bik a simi Thakhin Kodaw Hmaing centenary tuahnak caah timhtuahnak an ngeih lio ah ralkap nih an tlaih than. Thla 3 chung thong an thlak hnu 26 June 1976 ah Ralkap nih hri in an thlai i zoh dawh lo taktak le fak taktak in an thah.

Salai Tin Maung Oo cu ram le miphun caah riantuan a thawn saling lio ah Kawlram Union pumpi caah a nunnak a pek. A Thih hlan ah a chimmi bia; Ralkap kedanh tang ah zeitik hmanh ah ka khup ka bil lai lo. �Ka mipum cu nan thah khawh ko nain ka miphun le ram ka duhdawtnak lungput le ka ruahnak/ka zumhnak vialte cu zeitik hmanh ah nan that kho lai lo a ti. Kawl Cozah nih hri in thlai hmasa bik cu Salai Tin Maung Oo asi.

Be the first to comment

Leave a Reply

Your email address will not be published.


*