Ralhrangbu Nih Kham Ruangah Ralzaam Hna Sii le Ei Din An Harsa

Thanintharyi ramthen, ralhrang le mizapi ralkap kahdohnak ruangah azaam mi mizapi 5000 leng an si cang. Tu tiangah kahdohnak pehzulh in aum caah ralzaam mizapi hna cu an khua tlun ngam lo dir hmun in an um. Kahdohnak aum nak hmun hna cu ralhrang nih an kham dih caah ralzaam mizapi eidin le sii ai chambau in an um tiah Dong Min ramtang um mi phu chimphuan nak nawlngei pakhat nih atu bantuk in achim. ” Kahdohnak aum i SAC ralhrang lei in an kham nak hna aum.Lam kham in cheknak hna an tuah caah eidin thok in thil phorh ahar.The Chuang Gyi (သဲချောင်းကြီး) lei hna ah cun hlei pawl ah thialhri hling le ruapum in an kham . Lam hna an kham dih caah zaam lo in khua ataangta mi hna zong eidin an i harh.

Tuhrawng cu SAC ralhrang leiin thazaang an chap chin caah ralkah atam chin caah ralzaam hna ca zongah inn panh nak ahar chin. Khua cheukhat hna cu khuachung ah minung pakhat hmanh an um ti lo. Khua arawk mi hna alo cang. Mah leng ah mibawm chan tu phu hna zong ralzaam bawmh ding ah rat an duh ko nain rat ngah lo dirhmun in an um” tiah achim. Tulio cu ralzaam mizapi hna cu khuacaan thlen tlangrai aum caah ngandamnak lei bawmtu hna an herh.

Khatlei ah ralhrang hna nih thazaang chap in an um peng caah kahdohnak afak chin laivtiah ralzaam hna cu an thin phang. Ralhrangbu le PDF hna kahdohnak ruang ah Thanintharyi ramthen ah Thayat Chuang( သရက်ချောင်း), Puhlaw(ပုလော), Yi Phyo(ရေဖြူ) peng hna chung mizapi 5000 leng ralzaam dirhmun an phan. # Than Lwin Times. The Chin Post

Be the first to comment

Leave a Reply

Your email address will not be published.


*