Ralhrangbu nih KIA nih a kan kah ahcun Khua kan khangh lai tiah Khuami an tlerh hna

Ralhrangbu nih KIA nih a kan kah ahcun Khua kan khangh lai tiah Khuami an tlerh hna

 

Kachin ramkulh Tanaing – Shinboiyang lampi Tarung khua ah a phan mi ralhrangbu hna nih KIA, PDF nih nan kan kah ahcun khua mei in kan khangh lai tiin khuami an fial hna tiah khuami hna sin in theih a si.

 

Tarung khuami pakhat nih; September 11 ah khan kan khua biaknak bukip hruaitu hna cu meeting an auh hna i, KIA le PDF hna nih an kan kah sual ahcun khua mei in kan khangh lai tiin thawngthanh dingin an tlerh hna.

 

Mah ruangah biaknak lei hruaitu le khuanu khuapa hna nih KIA le PDF sin ah ralhrangbu hna cu kah lo dingin september 12 ah khan an nawl hna.

 

Tarung khua ah hin ralhrangbu hna hi 100 leng an um i, phungki inn le Tarung hlei ah umhmun an khuar i khua luhchuahnak vialte an chek hna i, thazaang chap i chek nak kutka kauh an timh tiah theih a si.

 

Ralhrangbu nih Tarung hlei ah hin checkgate an rak ngeihbal mi a si i, August thla chungah KIA nih mei in an khangh piak hna caah phungki inn ah an um chung mi a si.

 

September thla 7 ah khan Tanaing leiin an rak kai than hi hmunhma an lak than mi a si. An rak kai ah KIA he zong an i kap tiah KNG nih a tial.

 

 

The chin post

Be the first to comment

Leave a Reply

Your email address will not be published.


*