Ralkap Dirh Mi UEC Nih Cun, Party Kip Meeting A Auh Hna

May 21,2021 Zinglei 9:00Am ah Ralkap dinhmi UEC nih Myanmar Ramchung Political Party pawl Election PR kong ceihti dingah Nyphidaw, UEC Hall No-2 ah a sawm hna i Party 50 leng hruaitu hna cu Nyphidaw an phan cang ti’ah VOA nih a chim.

Tutan UEC nih ceihhmai ding Agenda an chuah pi mi cu, PR timi (Proportional Representation- လွှတ်တော်ကိုယ်စားလှယ်အချိုးစား) kong ceih ding ti’ah an thanh. Hi PR kong hi 2010 le 2015 zong ah Hluatdaw ah rak ceih asi cang na’in NLD le ANP nih an duh lo ca’ah hnawn cangmi asi.

Tutan ah hin UEC Meeting hmasa rak kai cang mi Yakhiang ANP nih lampi Security kongah kan kai kho lai lo ti’ah Asst Secretary U Thun Aung Kyaw nih a chim. Cun, Shan SNLD Asst. Secretary Sai. Kyaw Nyut le Lahu LNDP Party Chairman Daw Aye Thida Myint zongnih Ralkap uknak tang zeibantuk thimnak hmanhah kan i tel lai lo an ti i NLD Party belte an i tel lai le tel lai lo kan thei lo ti’ah VOA nih an chim.

Amahbelte thilmak ngaimi cu, 8888 Students pawl nih an dinhmi PEOPLE PARTY nih cun UEC Meeting ah kan i tel lai ti’ah an Chairman U. Ko Ko Kyi nih a phuan.Hi ruangah PP Party General Secretary U Ye Hniang Aung le Micheu khat pawl cu Party in an chuak. PPP, MNSP le Party hme deuh deuh cheukhat hna cu telve an i tim ti’ah VOA nih a chim.

Ralkap nih Aana an ting hnu’in 26/2/2021 ah khan a Vawikhat nak Meeting an rak tuah cang i Cu’ah cun Political Parties-91 an sawmmi lak ah 53 an rak kai i, NLD le SNLD tiamin Party-38 an rak i tel duh hna loh. Cutan ah cun, NLD Party hrawh dingin cheukhat Party pawl nih an rak nawr len cang hna.

Cuca’ah Tutan UEC a kai dingmi le kai lo dingmi pawl hi an dih lakin thei khawh asi rih lo i, cheukhat Party cu a thlithup in an Party aiawh kaiter an timh hna ti’ah theih asiRalkap Min Aung Hliang nih hin Phunghrampi ning lo 2008 Constitution Acts- 419 bantuk lih le hrawkhrawl KALUNG(ကာ/လုံ)bantuk hmang in Aana a tingi, Acts-417(g) le 419(h) ningin Kum-hnih hlan hrim hrimah Thimnak(Election) a tuah tha’n lai ti si.

Cu hnu cun Mipi kutah Democracy Nawl -neihnak a pek lai ti asi ca’ah 2022 November Thla hlan hrim hrimah Election a tuah ding asi. Cubantukin a tuah lo asi’ah cun, Acts 417(g) bantuk te’in 2008 Constitutional Court ah khin khawh asi. Atlawmbikah Kum-20 tiang Thong -thlak khawh asi fawn. Hi hi Min Aung Hliang nih ASEAN le UNO sinah Mit-herh(မျက်လှည့်)a piah duhnak asi ti’ah Ho poh nih ruah ciomi asi. By ..MC Biak Lian

Be the first to comment

Leave a Reply

Your email address will not be published.


*