Ralkap Minung (200) Hrawng Cu Meithal Puahpah Thluahmah in Hakha Lei ah An Rak Chawi Than Cang

Nizaan June 20 ah Chim ramkulh Falam khuachung i a um mi hna ralka minung 200 hrawng cu tuni June 21 ah Falam khuapi cu an chuak tak i Hakha khualei ah an kal tiah mit hmu tu nih cun a chim. Ralkap minung 200 hrawng cu motor 9 bakin Hakha leiah cun an kal hna i Rih lam kalnak Thlanrawn khuapawngah meithal cu an puah pah len i an meithal puah thawng cu mipi nih cun an theih.

Ralkap minung 200 hrawng cu June 20 ah Var hlei zawhin Falam khuachungah an kal i i June 20 zaan cu Falam ah an riak i June 21 zingah Hakha leiah an kal tiah theih a si. Ralkap minung 200 hrawng cu Kalay in an ra i Falam ah Falam cun Hakha leiah an kal than. Falam le kalay karlak i Tuiphei khua ah an rak riak hmasa.

Tuiphei khua hna ah cun Ar tibantuk an satil dang hna cu mehah an rak thah piak hna. An khuachung i sianginn hna cu an rawk piak dih ta hna i an rawl chumhnak ah Khuapi bel pawl hna cu pe ta loin an i kal pi tiah theih a si. Tutan ah hin Hakha leiah ralkap a bu buin an kal a voikhatnak lawng a si ti lo.

Kan hnu zarh zongah Kalay le Gangaw lei zongin ralkap tam ngai cu Hakha leiah cun an rak kal cang.zeidah a cang te lai timi cu theihkhawh a si rih lonain Hakha le Thantlang karah siseh Thantlang peng thluanchungah i donak a um pah cang caah hin i ralrin ngai hna cu kan herh taktak.

Be the first to comment

Leave a Reply

Your email address will not be published.


*