Ralkap Nu Sergeant Yin Leh Leh Htun Mipi Lei Ah A Ttang

Ralkap Nu Sergeant Yin Leh Leh Htun Mipi Lei Ah A Ttang

Lainawng pa Min Aung Hlaing kut tang ah rianttuan duh ti loin a chuahtaak tu ralkap hna lak ah pa pawl lawng si loin nu ralkap pakhat aa tel ve cang, Min Aung Hlainh nih mipi a thah cuahmah hnami hi zei ti hmanh in a cohkaan khawh lo ruangah mipi lei ah a ttannak si.

A tu bantuk in mipi lei ah ttangmi ralkap nu cu Yin Leh Leh Htun (private number-4933) senthum nu si i tu ah cun a himnak hmun ah a phan cang tiah People’s Soldiers nih tuni August ni 21, kum 2021 ah thawngthanhnak an tuah.

Kei mah bantuk in nu ralkapba simi hna sin ah bia chim ka duhmi cu nan mit au in nan hna tunh ulaw mipi lei in zawnruahnak lungthin nei hraam uh, cun mipi hna nih an tuarnak an feeling hi theih piak cang hna uh.

Ralhraang nih an thah hnami hi nan mah unau, nu le pa, chungkhat rualchan bantuk ah ruat hna ulaw mipi cungah dawtnak, zaangfahnak le zawn ruahnak nei hraam uh timi hi si tiah Sergeant Yin Leh Leh Htun nih cun a chim.

The 24seven

Be the first to comment

Leave a Reply

Your email address will not be published.


*