Rallokap Nih uknak a peh rih ko ahcun mipi dihlak hriam an tlai lai tiah KIA Tongmangham

Rallokap Nih uknak a peh rih ko ahcun mipi dihlak hriam an tlai lai tiah KIA Tongmangham. Rallokap nih uk nak a peh rih ko ahcun mipi dihlak, pakhat hmanh tang loin hriam an tlai cio lai tiah KIA in bia chim nak nawl ngei tu tongmangham Nawbu nih a chim.

A tu caan ah rallokap doh ding ah mipi hña cu an mah dang ten biaruah len in chimh len an hau lo, an mah he aa neih nak hmun cio ah rallokap do mi phu sin ah mipi lei in an mah ten i tel in an lut cio hña tiah tongmangham Nawbu nih a chim.

Cu ruangah hmun kakhat, phukhat hruai nak ah rallokap uk doh nak ding caah a rak i fon mi mino pawl hi za reng lo le thong reng lo an si kho tiah tongmangham Nawbu nih a chim. KIO/KIA lei in , ram chung , ram leng ah a um mi mipi dihlak he hmunkhat ah dir ti in kahdohnak ah i tel i ralhrang rallokap an tlak khawh nak ding ah kan za pi cio in kan doh lai tiah a chim.

” Kan nih KIO cu mipi hña he hmunkhat ah dir ti mi phu kan si. Mipi cu kan nu can le kan pa can nan si, cu ruang ah mipi hña cung ah zumh awktlak ten kan um, mipi hña ai ah kan mah Kachin mi lawng kan chim mi a si lo, Kachin ramkulh mipi hña lawng kan ti mi a si lo , ram ning pi ah a um mi mipi vialte hna cungah zumh awktlak ten kan um, hmunkhat te ah kan in dir pi ko hña .

Curuang ah rallokap phu nih nawlngaih nak an lak mi a tlak khawh nak ding ah mipi hña he hmunkhat te ah kan doh ti hña lai”… KIA nih an lak khawh mi Alawbum sakhan pawng ahcun tukar hrawng mah dohnak a dai tiah tongmangham Nawbu nih a chim.

Rallokap lei in an sungh mi Alawbum sakhan cu ngahthan ding ah van lei he, vawlei lei he an doh hña na in tu ni tiang ahcun la kho in KIA kut chungah a um ko .
A tu lio Alawbum lei kahdohnak a deih mi hi rallokap lei in kahdoh ning cang(ဗ်ဴဟာ) thlen an timh mi a si kho , cun kahdoh a chuah nak hmun dang hña ah bawmtu an i thlah ca zong ah a si kho tiah tongmangham Nawbu nih a chim. #DVB. The Chin Post

Be the first to comment

Leave a Reply

Your email address will not be published.


*