Rallokap Pawl An Thin A Phang Tuk Cang Mino Pawl Heh Tiah Raltuk An Cawn Piak Cang Hna (+Hmanthlak)

Ralhrang pawl an thin a phang ngaingai cang ti fiang tein hmuh khawh a si. Zei ca ti si ah cun heh tiah an mah he ai pehtlai deuh mi Mino pawl zong an sawm hna i thil an chimh cang hna, The Hakha Times nih a langhter ning ah cun mah ti hin a van langhter cang…”SAC ralkap nih anmah he aa pehtlai mi mino pawl raltuk an cawnpiak hna, tiah SAC phu a dirkamhtu Myanmar National Post nih a langhter.” The Hakha Times

thawngpang dang relchap : A Nu Hrang ah Sii Caw Dingin A Tlik Lio ah Traffic Police nih A Rak Kham A Nu Nunnak Cu A Liam Ruangmang E

Mizoram Aizawl khuapi ah thil a cangmi a si i a taktak bak a si caah a theitu nih tuarpi tuk cio a si. Damlo in a zual ngaimi a nu hrang ah a rannak in sii cawk dingin inn in a chuak i lampi ah Traffic police nih an rak tlaih i a sining le a dirhmun a chim len nain an theihthiam piak duhlo i a Bike an lakpiak caah a nu caah sii cu a can ah a phakpi manh tilo i a nu nunnak a liam ruangmang.

Lampi ah traffic police nih an rak tlaih ah hin Cycle licence a ngeihko nak kong le a nu a zual deuh caah hnawhhnam tuk in a rak chuakmi a si nak kong vialte zong tlamtling tein a chimh ko hna nain an duhlo caah a bike cu an lak piak i ke bak in chukcho ah a nu caah sii cu a kawlhawl nain a nu nunnak cu a chanhkho manh ti lo .

Mapuii Bungsut nih cun”June 11,zinglei sml 4 hrawng ah ka nu damlo a zualtuk cang caah sizung ah kan tlikpi. Sizung kan phakhnu ah ka nu dirhmun cu a thatlo deuh caah sii tampi cawk a herh i tangka kan i kenmi nih a deih tilo. Aran nak in sii cawk a herhmi lawngte an si tik ah inn lei ah a rannak tangka la dingin ka lawi.

Lampi (Sikulpuikawn) ah traffic palik nih cun an rak ka dirter i licence an ka hal .”Zinglei sml 4 hrawng ah inn in kan chuak cang i ka nu dirhmun a thatlo tuk caah a tu hi sizung in inn lei ah phaisa la dingin ka rak lawi ta.Licence zong ka ngei dih ko nain kai hnawh deuh caah kai ken manh tilo tiah traffic palik sin ah cun ngeihthiam ka hal chih.

Mitthli he ka nawlnak cu a theithiam hleilo i ka bike tu cu ka chiahta hna i ka nu sii cawk khawh zawkzawk ding cun ka ke bak in ka tli than. Traffic palik pa nih khan rak ka theithiam sehlaw , tu ah cun ka nu a um ti lo ee” tiah mitthli he a chim .

Be the first to comment

Leave a Reply

Your email address will not be published.


*