Ralring Tein : Nai Surkhua ah CDF-Hakha he a kap mi ralhrang hna cu Sakta in Zokhua ah an kal i Zokhua in Lamtuk an phan cang

Nai Surkhua ah CDF-Hakha he a kap mi ralhrang hna cu Sakta in Zokhua ah an kal i Zokhua in Lamtuk an phan cang a tu hi Lamtuk sianginn ah um hmun an khua lio a si an ti. Ralhrang hna hi sawm 40 in sawm 50 karlak an si lai tiah an zumh.. Ram lak lawng tein ke in an kal tik ah lam hruaitu hna an um hrim lai ti zumh an si.Thawng Cin Mang. Global Chinland

thawngpang dang relcahp : Min Aung Hlaing Cu Tuluk Uico ASEAN Hruaitu Nih UN Tel Lo In Tuluk Ram Ah Biachah Piak A Si Lai

June 7, tuni hi ASEAN hruaitu hna le Taluk ramleng vuanci zung upa hna cu Taluk ram ah an i tong lai i Myanmar buainak kong an i ruah lai tiah RFA nih a chim.Myanmar buai hnu ASEAN hruaitu hna cawlcanghning le Taluk cawlcanghning zoh lengmang tikah ASEAN cu Taluk sal menmen pei a rak si ko hi ti a lang chin lengmang.

ASEAN hruaitu hna cu Naypyidaw ah an ra i ralhrang bawizik MAH he an i tong. Cu pinah UEC upa hna he zong an i tong. Asinain NUG, CRPH le tlangcung hruaitu hna cu zeihmanh ah an rel hna lo, an kir diam.ASEAN hruaitu pahnih Naypyidaw i an rat hlan ah Taluk ramleng vuanci he tonnak an ngei hmasa. Cu hnuah Naypyidaw ah an ra. Naypyidaw in an kir hnuah atu bantukin Taluk ramleng vuanci zung upa hna he tonnak an ngei than lai.

Zeiruangah dah ASEAN hruaitu hna nih UN he an i ton lo? Ziah US he an i ton lo? ASEAN cu Taluk tlaihhipnak (control) tangah a um ti a fiang ngaingai.Taluk nih Myanmar buainak kongah lenglang tukin aa thlak duh lo nain a chungin cun aa thlak peng ko. Phundang cun Myanmar buainak kong i thlaknak caah ASEAN hi Taluk nih a hman ti khawh a si.

Zeitindah tuah an duh? Taluk le ASEAN nih Myanmar ram hi zeitindah tuah an duh? Tutan buainak hi zeitindah tuahremh an i timh?Atu i Thailand ram bantuk phun khin Taluk le ASEAN nih Myanmar ram hi an tuah lai. SAC nih rampi thimnak an tuah lai i USDP nih teinak an hmuh lai. USDP nih cozah an ser lai i mithat lainawng ralhrang bawizik MAH cu a ralbawi thuam i phoih in president an tuanter lai.Cuticun Myanmar ram cu zaukphung le khongton uknak cawh hrup in ralthuam phoih ralbawi rual nih an uk lai. Hihi Taluk le ASEAN duhning a si.

Atu i Thailand PM pa khi ralbawi a rak si cu mu! Ram a buai tuk tiin nawlngeihnak a lak le thla 6 chungah thimnak ka tuah lai a ti. Thimnak a tuah i amah party nih teinak an hmuh le a ralthuam i phoih in PM a tuan huar ve ko khi! Mah phun khi MAH nih a duh tuk vemi cu a si.Mah bantuk khi a si khawhnak dingah Taluk le ASEAN nih MAH cu a si khawh chungin an bawmh lai. Thiamnak lei in, hriamnam lei in, tangka lei in an bawmh ko lai.Credit: The Chin Post

Be the first to comment

Leave a Reply

Your email address will not be published.


*