Ralzaam Nu Nih Kawl Ralhrang Lak In An Zaam Lio Ah Rosung Fanu Dawh A Hrin

Kani Peng ah ralzaam nu pakhat nih ramtang an zaam lio lampi ah fanute a ngeih. “Nway Oo Zin” tiah min an sak.

ကနီနယ်တွင် စစ်ဘေးရှောင်ရင်း ဗိုက်ကြီးသည်အမျိုးသမီးတစ်ဦးမှ ရင်သွေးလေးကိုမွေးဖွားခဲ့တယ်လို့ သိရပါတယ်။ မိခင်ကိုခက်ခက်ခဲခဲနဲ့ ကယ်ထုတ်လာရင်း လမ်းမှာတင် ကလေးက မွေးဖွားခဲ့တယ်လို့သိရပါတယ်။ ကလေးရဲ့နာမည်ကိုတော့နွေဦးဇင်လို့ အမည်ပေးထားကြောင်းသိရပါတယ်။ Source -သင်္ဂတုံချောင်းရိုးသတင်းစဉ်ကနီနယ်

thawngpang dang : R.I.P : A Poi Tuk E Aw Dalaan Pu Zaw Min Thant Ruangah KIA Pasal Tha An Thih Hi Cu Mu

Dalaan ruangah KIA pasal t’ha minung 4 an nun nak a liam.Kachin, Shiaduyut khua ah khuasa mi Pu.Zaw Min Thant cu ritnak si hmangin chawlet mi a si hlei ah ralhrang ralkap hna he rian an t’uan t’i.Ralhrang pawl hna he pehtlaih nak a neih ruangah Tuluk China mirum hna he hmunkhat ah chawhlehnak an tuah t’i peng tiah theih a si.

Cun,Pu.Zaw Min Thant nih a kut tangah minung tampi agents rian t’uantu a nei hna.Pu.Zaw Min Thant le agents pawl hna nih a thli in KIA rian t’uan ning le an cawlcangh ning hna cu a thli in ralhrang hna sin ah thawngpang an pek peng.cu kongah KIA ralkap minung 7 hna nih0 May 26 nih ah Pu.Zaw Min Thant inn ah cun an va fuh hna i a donghnak ralrinnak an va pek hna.

Asinain Pu.Zaw Min Thant le a hawi le hna nih an rian t’uan ning cu KIA nih an kan theih i an ra lai ti cu a hlan kan in an rak theih caah ralhrang pawl sin ah thil umtuning a rak chim dih tik ah ralhrang nih KIA pawl hna cu Pu.Zaw Min Thant inn in an rak bawh cia hna.KIA pawl an rak phanh tik ah cun ralhrang minung 50 renglo nih an rak kah hna.

KIA ralkap minung 7 hna lak ah minung 4 hna cu an inn tual/hmai ah um hmun ril bak in an kah thah hna i,a dang minung 3 hna cu an zam kho.kaphnih ralkap i kah nak meithal kuanfang in Pu.Zaw Min Thant i a chuahpi Unau pakhat zong fak taktak in hliam a tuar pin ah ralhrang lei zong minung tampi nih hliamhma an tuar.tuchun ah cun Shiaduyut khua chungah ralhrang tam taktak an ra i khua an kulh dih tiah theih a si.

thawngpang dang : Tlangcung Hriamtlai PNO Le Ralhrang An Tang Ti Nak Le Thawngpang Dang Pathum

May 26 TCP Thawngpang Neknawi (News in brief) Mindat Ah Ralhrang Hmanhmi Bomb An I Lamh Sual I Mino Pahnih An Thi.Mindat peng Bukun khua kahdohnak in hnu a tolhmi ralhrang hna nih an hmanhmi bomb an i lamh sual caah CDF-Mindat chungtel mino pahnih an thi tiah theih a si.“Ralhrang hna nih khan bomb an hmanh ta hnuah hnu an tolhmi a si. Ralhrang hna cu pathum pali tibantukin a pikpak tein an ra lai an kan kah sual lai ti an phang i an ngiatthlai hna nak ah atu bantukin bomb an i lamh hi a si” tiah CDF-Mindat hruaitu pakhat nih a chim.A thimi hi Tam Ling le David an si. An hawipa Tam Hung zong fak ngai in hliam a tuar tiah theih a si. (Than Lwin khet)

May Thla Chung KNU Le Ralhrang Kahdohnak Ah Ralhrang Lei A Thimi 128 An Si. May thla chung i KNU/KNLA le ralhrang kahdohnak ah ralhrang lei in 128 an thi i 180 hliam an tuar tiah KNU nih a thanh. Hi a thimi chungah an bawile zeimawzat zong an i tel. KNU lei in a thimi pahnih an si i hliam a tuarmi 9 an si. Cun mipi lei in pakhat a thi i panga hliam an tuar ve.May 5-26 tiangah KNU le ralhrang kahdohnak voi 193 a um. Ralhrang lei minung an thih lawng si loin an mawtaw 9 hrawh piak an si pin ah ti-rawl phurtu rang (horse) 12 an thi fawn. (Khit Thit Media)

Kani Peng Cu Vanlawng In Kahnak Nawl Pek A Si Caah Mipi Hna Cu Zanmui Lakah An Tlizam Hna. Sagaing ramthen Kani peng ah ralhrang nih thazaang an chap chin thluahmah lawng si loin cunglei nih vanlawng in kahnak nawl an pek caah mipi cu hna cu zanmui lakah an tlizam len tiah theih a si.“Hmasa kan zamnak cu khua he aa naih, atu cu hmasa kahdohnak hmun in a hlatnak ah kan i thial” PDF chungtel pakhat nih a chim.Kani peng hi kahdohnak a zual ngainak a si. Vanlawng in kah lai tih ah a zammi hna hi Kani peng khua 20 in an si. (Than Lwin Khet)

KPDF Kahdohnak Tlangcung Hriamtlaibu Pa’O National Organization (PNO) Ralkap Cu Ralhrang He An I Bawm! Atulio i Kaya ramkulh kahdohnak ahhin tlangcung hriamtlaibu pakhat a simi Pa’O National Organization (PNO) ralkap nih ralhrang cu an bawmh hna timi thawng a leng.May 26 i Kaya ramkulh, Loikaw khuapi thlanglei kahdohnak ah PNO ralkap nih ralhrang cu an bawmh hna i KPDF cu an kah hna tiah khuami hna nih an chim.

Hi kong he pehtlai in PNO upa pakhat Bohmu Kyaw Thu cu Than Lwin Khet nih biahalnak an tuah. Bohmu Kyaw Thu nih cun ralhrang an bawmh hna timi cu a dik lo, kahdohnak kiangkap ah kan um lio he aa ton caah a si tiah a chim.Asinain mit hmutu khuami hna nih an bawmh hna tiah an chimmi hi zumh a um deuh. A ruang cu kan hnulei, ralhrang nih nawlngeihnak an lak hnu ah khan PNO hruaitu hna le Min Aung Hlaing cu tonnak an ngei bal. (Than Lwin Khet) Credit: The Chin Post

Be the first to comment

Leave a Reply

Your email address will not be published.


*